Question

வாசித்தேன் வளர்ந்தேன்
குறிப்பு சட்டகம்
முன்னுரை
வாசிப்பின் நோக்கம்
வாசிப்பின் முக்கியத்துவம்
சிறுவர்களை வாசிக்க தூண்டுவதற்கான சில காரணங்கள்
முடிவுரை

முன்னுரை
வாசிப்பு என்பது ஒரு பிள்ளை கருவறையிலிருக்கும் போதே ஆரம்பிக்கப்பட வேண்டும். அதாவது பிள்ளையின் தாய் நல்ல நூல்களை வாசிப்பதன் மூலம் பிள்ளையுடைய மூளை விரிந்து சிறப்பாக நடைபெறும் என்பது பல அறிஞர்களின் கருத்தாகும். எப்படியாவது வாசிப்பு என்பது சிறுவயதிலிருந்து ஆரம்பிக்கப்பட வேண்டும் என்பதனால் பெற்றோர்கள் குறிப்பாக தாய்மார் பின்பற்றக்கூடிய சில வழிமுறைகளை ஆராய்வோம்.

 வாசிப்பு பல முக்கியமான திறன்களை கொண்ட ஒரு செயன்முறையாகும். அதாவது சிந்தித்தல், ஆராய்தல்; காரணம்கண்டறிதல்; கற்பனை செய்தல் என்பவற்றுடன் நியாயம் கண்டறிதல் போன்றவற்றை உள்ளடக்கும்.

 வாசிப்பின் நோக்கம்.
1. சந்தோசம்/மகிழ்ச்சி/பொழுதுபோக்கு/ஓய்வுக்காக வாசித்தல்.
2. தகவல் தேவைக்காக வாசித்தல்
3. அறிவுக்காக /அறிவைத் தேடி வாசித்தல்

மேற் கூறப்பட்ட இரணடோ மூன்றோ காரணங்களுக்காகவும் ஒருவர் வாசிக்கலாம். வாசிப்பு என்பது ஒரு மகிழ்ச்சிகரமானதும் சுவாரஸ்யமானதுமான ஒரு செயற்பாடாகும். வாசிப்பு ஒரு முக்கியமான திறனாகும். அது பிள்ளைகள் வாழ்க்கையில் வெற்றி பெறுவதற்கான ஓர் ஆயுதம் என்று கூறலாம்.

 வாசிப்பு என்பது ஒரு எரிச்சலூட்டும் அல்லது அலுப்பூட்டும் விடயமல்ல என்றும் அதுவே எதிர்கால வெற்றிக்குரிய ஒரு திறவுகோல் என்றும் பிள்ளைகளை விளங்க வைப்பது ஆசிரியர்களுக்கடுத்து பெற்றோர்களின் கடமையாகும். சுவரஸ்யமான வாசிப்பில் ஒரு புறம் மகழ்ச்சியடைவதுடன் இன்னொரு புறம் அறிவு வளர்ச்சியும் ஏற்படுகின்றது. வாசிப்பது என்பது குறித்த ஒரு இனத்துக்கோ , சமூகத்திற்கோ, வயதெல்லைக்கோ உட்பட்டதல்ல. அனைவரும் வாசிக்கலாம். பயன்பெறலாம். சிறு வயதிலிருந்து எமது குழந்தைகளை வாசிக்கத்தூண்டலாம். இதன் மூலம் அவர்களை சிறந்த நல்ல மனிதர்களாக உருவாக்கலாம். ஆரம்பத்தில் வாசிப்பு என்பது புத்தகம் அல்லது பத்திரிகை மூலம் தான் வாசிக்க வேண்டும்.

வாசிப்பின் முக்கியத்துவம்
தகவல் பெறுவதற்கு மிக முக்கியமான ஒரு வழி வாசிப்பு ஆகும். ஆகவே அனைத்துக் கல்வி திறன்களுக்கும் அடிப்படையானது வாசிப்பு என்பதை நாம் ஒவ்வொருவரும் உணர வேண்டும். வாசிப்பு ஒரு மனிதனை விடயம் தெரிந்த, அறிந்த அறிவு பெற்ற மனிதனாக உருவாக்கும். ஒரு மனிதன் தான் வேலை செய்யும் இடத்தில் திறன்பட செயற்படுத்துவதற்கும் வினைத்திறனுடன் வேலை செய்வதற்கும் வாசிப்பு அவசியம். தற்கால உலகத்தில் திறமையாகத் தொழிற்படுவதற்கு வாசிப்பு ஒரு அடிப்படை தேவையாகும்.
ஒரு நல்ல தொழிலைப் பெறுவதற்கும் அதிக வாசிப்புப் பழக்கம் உறுதுணையாக இருக்கும் .வாசிப்பின் மூலம் ஒரு மனிதன் எல்லா மூலை முடுக்குகளுக்கும் போய் வரலாம்.

அவன் ஒரு அரசனாக ஒரு வீரனாக ஒரு நடிகனாக ………என்று எல்லா வகையான பத்திரங்களுக்குள்ளேயும் சென்று மகிழ்ச்சியடையலாம். வாசிப்பின் மூலம் சிறந்த ஆக்கத்திறன் கொண்ட பிள்ளையை உருவாக்க முடியும் .தன்னைப்பற்றிய ஒரு நல்ல மதிப்பை அல்லது கௌரவத்தை உருவாக்குவதற்கு அடிப்படையாக அமைவது வாசிப்புத்தான், தன்னால் முடியும் என்ற தன்னம்பிக்கை இவர்களுக்கு அதிகம்.குறைவாக வாசிப்பவர்கள் அவர்களுடைய அபிப்பிரயங்களிலும் திறமைகளிலும் நம்பிக்கை இழந்தவர்களாக அல்லது குறைந்தவர்களாகவே இருப்பர். வாசிப்பு மூலம் ஒரு மனிதன் தொழிலிலும் வாழ்க்கையிலும் உச்சப் பயன் அடைந்து கொள்ள முடியும்.

சிறுவர்களை வாசிக்க தூண்டுவதற்கான சில காரணங்கள்
பிள்ளையின் வாசிப்பில் பெற்றோர்ர் ஆர்வம் காட்டுதல்: பிள்ளையுடைய வாசிப்பில் அக்கறை செலுத்தி அவர்களுடைய முயற்சியை பாராட்டி பரிசுகள் வழங்குவது மிகவும் அவசியமாகும்.
ஒரு பிள்ளையின் வாசிப்பில் செல்வாக்குச் செலுத்தும் காரணிகள் ப்ஒரு பிள்ளை வாசிப்பது குறைவாக இருந்தால் அதற்கான காரணத்தைக் கண்டறிய வேண்டியதும் அதைத் தீர்த்து வைக்க வேண்டியதும் ஆசிரியரினதும் பெற்றோரினதும் கடமையாகும்;.

முடிவுரை
வாசிப்பு என்பது ஒரு தனிநபரின் வெற்றிக்கு இன்றியமையாதது. முதலில் வாசிப்பின் முக்கியத்துவமும் அது ஒரு மகிழ்ச்சிகரமான செயல் என்றும் பிள்ளைகளுக்கு ஊட்டப்பட வேண்டும். அடுத்ததாக அவர்களுடைய வாசிப்பை ஊக்குவிப்பதற்காக ஆசிரியர்களும் பெற்றோர்களும் சில வசதிகளை ஏற்படுத்வதுடன் அவர்களுடன் சேர்ந்து வாசிப்பில் ஈடுபடுவதன் மூலம் வாசிக்கும் பழக்கத்தினையும் ஆர்வத்தினையும் தூண்டமுடியும். பிள்ளைகளின் வாசிப்பிற்குத் தடையாக இருக்கக்கூடிய காரணிகள் வீடாக இருந்தாலும் சரி , பாடசாலையாக இருந்தாலும் சரி அல்லது பிள்ளையின் தனிப்பட்ட உளவியல், உடல் சார் காரணிகளாக இருந்தாலும் அவை அடையாளம் காணப்பட்டு தீர்க்கப்பட வேண்டும்.

பிள்ளைகள் எப்போதும் பாடப்புத்தகங்களை மட்டும் வாசிப்பதற்கு விரும்பமாட்டார்கள். அதைவிடுத்து, சிறுவர்களுக்கான கதைப்புத்தகங்கள், கவிதைகள்,வீரதீரச் செயல்கள் , வரலாறுகள் , சமயம் சார்ந்த புத்தகங்கள் , பொது அறிவுப் புத்தங்கள் போன்றவை ; வேறான விடயங்களை வாசித்து மகிழ்வதற்கு சந்தர்ப்பங்கள் கொடுப்பது பெற்றோரின் கடமையாகும்.

Answer 1

Explanation:

प्लीज राइट इन इंग्लिश ok