সুৰা বিৰোধী আন্দোলনৰ টোকা
Answers
Answer:
যোৱা ডিচেম্বৰ মাহত ‘কেব’ গৈ ‘কা’ হ’ল, অৰ্থাৎ নাগৰিকত্ব সংশোধনী বিধেয়কখন আইনত পৰিণত হ’ল । এই আইনৰ বিৰুদ্ধে দেশৰ বহুতো সচেতন নাগৰিক, দল-সংগঠনে ন্যায়ালয়ৰ কাষ চাপিছে, আইনখন ন্যায়ালয়ত বিচাৰাধীন হৈ আছে । তাৰ পিছতো কিন্তু মোদী নেতৃত্বাধীন বিজেপি চৰকাৰে ১০জানুৱাৰীত আইনখন দেশজুৰি বলবৎ কৰিলে । মোদী চৰকাৰ যে জনগণৰ কল্যাণৰ বাবে গঠিত ‘জনগণৰ চৰকাৰ’ নহয়, এক গণতন্ত্ৰবিৰোধী সাম্প্ৰদায়িক ‘কৰ্পৰেট হাউছ’হে সেয়া আকৌ এবাৰ প্ৰমাণ কৰিলে। সি যি হওক, দেশৰ জনগণে কিন্তু ‘কা’ৰ প্ৰৱল প্ৰতিবাদ কৰি আছে, ভাৰতৰ সংবিধান ৰক্ষাৰ বাবে বিজেপি চৰকাৰৰ বিৰুদ্ধে অহিংস সংগ্ৰাম অব্যাহত ৰাখিছে। অন্ততঃ যোৱা এমাহত এনে এটা দিন নাই যিদিনা ‘কা’ৰ বিৰোধ হোৱা নাই ! অসমত এই প্ৰতিবাদৰ তীব্ৰতা দেশৰ ভিতৰতে সৰ্বাধিক।
আমি সকলো অসমবাসীয়ে (বিজেপি-আৰএছএছৰ সদস্য আৰু ভক্ত সকলক বাদ দি) ‘কা’ৰ বিৰোধিতা কৰিছো কিয়নো আমি আমাৰ বিবেকেৰে বুজি পাইছো যে এই আইনখন অসমীয়া বিৰোধী, ভাৰতীয় সংবিধান বিৰোধী। আমাৰ অসমীয়া আৱেগ উথলি উঠিছে বাবে আমি হিলদ’ল ভাঙি ওলাই আহিছোঁ যুঁজিবলৈ, চৰকাৰৰ বন্দুকৰ আগত বুকু পাতি দিবলৈও কুণ্ঠাবোধ কৰা নাই। কিন্তু আৱেগ আৰু বিবেকৰ সন্তুলন নাথাকিলে কোনো গণ-আন্দোলন সফল নহয়, আমাৰ অসমৰ ইতিহাস চালেই সেই কথা আমি বুজি পাওঁ। আমি জাৰ্মানীৰ পৰা টেলিস্কোপেৰে চাই ধাৰণা কৰিছো যে সম্প্ৰতি অসমৰ ‘কা’ বিৰোধী আন্দোলনত বিবেকতকৈ আৱেগ বহু আগবাঢ়ি গৈছে, সুস্থিৰ আৰু দূৰদৰ্শী ৰণনীতিতকৈ তাৎক্ষণিক আৰু এক গতানুগতিক কাৰ্যপন্থাই প্ৰাধান্য পাইছে। যদি আমাৰ ধাৰণা সঁচা তেন্তে এয়া কিন্তু অসমৰ জনগণৰ বাবে শুভ কথা নহ’ব।