ಕನ್ನಡ ಭಾಷ ಬಳಕೆ ಹೆಚ್ಚಿಸುವಲ್ಲಿ ನನ್ನ ಪಾತ್ರ
Answers
Explanation:
ಭಾಷೆ ಎನ್ನುವುದು ಮನುಕುಲಕ್ಕೆ ಮಾತ್ರ ಸೀಮಿತವಾದದ್ದು. ಭೂಮಿಯ ಮೇಲಿನ ಪ್ರತಿಯೊಂದು ಪ್ರಾಣಿ, ಪಕ್ಷಿಯು ಶಬ್ದೋತ್ಪಾದನೆ ಮಾಡುತ್ತದೆ. ಇದನ್ನು ಸಂವಹನ ಎಂದೂ ಕರೆಯಬಹುದು. ಉದಾಹರಣೆಗೆ ನಾಯಿ ಬೊಗಳುತ್ತದೆ, ಹುಲಿ ಘರ್ಜಿಸುತ್ತದೆ, ಆನೆ ಘೀಳಿಡುತ್ತದೆ. ಇಲ್ಲಿ ಶಬ್ದೋತ್ಪಾದನೆ ಆಗುತ್ತದೆ. ಆದರೆ ಇದನ್ನು ಭಾಷೆ ಎನ್ನಲಾಗುವುದಿಲ್ಲ. ಏಕೆಂದರೆ, ಒಂದು ವರ್ಗಕ್ಕೆ ಸೇರಿದ ಎಲ್ಲಾ ಪ್ರಾಣಿಗಳ ಶಬ್ದೋತ್ಪಾದನೆ ಒಂದೇ ತರವಾಗಿರುತ್ತದೆ. ಉದಾಹರಣೆಗೆ, ನಾಯಿ ಬೊಗಳುವಾಗ ಅದು ತನ್ನ ಯಜಮಾನನನ್ನು ಕಂಡರೂ ಅಥವಾ ಕಳ್ಳರನ್ನು ಕಂಡರೂ ಬೊಗಳಿಕೆಯಲ್ಲಿ ವ್ಯತ್ಯಾಸವಿರುವುದಿಲ್ಲ. ಆದರೆ ಮನುಷ್ಯ ಉತ್ಪಾದಿಸುವ ಪ್ರತಿಯೊಂದು ಶಬ್ದಕ್ಕೂ ಅರ್ಥವಿದೆ. ಹೀಗೆ ಉತ್ಪಾದಿಸಲ್ಪಡುವ ಶಬ್ದವೇ ಒಂದು ಭಾಷೆ ಎನ್ನಬಹುದು. ಭಾಷೆಯು ಪದಗಳಿಂದ ಕೂಡಿರುತ್ತದೆ. ಪದಗಳು ಶಬ್ದಗಳಿಂದ ಕೂಡಿರುತ್ತದೆ. ಶಬ್ದಗಳನ್ನು ಸಂಕೇತಗಳಿಂದ, ಸೂಚನೆಗಳಿಂದ ಗುರುತಿಸಬಹುದು. ಇಂತಹ ಕ್ರಿಯೆಯನ್ನು ಭಾಷಾ ವಿಜ್ಞಾನ ಸಂಶೋಧನೆಯಲ್ಲಿ ಕೈಗೊಂಡ ಪ್ರಕ್ರಿಯೆ ಎನ್ನಬಹುದು. ಭಾಷಾ ವಿಜ್ಞಾನದ ಚಿನ್ಹೆಗಳು ಮತ್ತು ಸೂಚನೆಗಳನ್ನು ಪ್ರೈಮರಿ ವೋಕಲ್ ಸಿಂಬಲ್ಸ್ (ಬಾಯಿಂದ ಉಚ್ಛರಿಸಿದ) ಎನ್ನುತ್ತೇವೆ. ಇವು ಮನುಷ್ಯನ (ವೋಕಲ್ ಆರ್ಗನ್ಸ್ ) ಬಾಯಿಯಿಂದ ಉತ್ಪತ್ತಿಯಾಗುತ್ತದೆ. ಈ ಸಂದರ್ಭದಲ್ಲಿ ಒಂದು ಭಾಷೆ ಎನ್ನುವುದು ಪ್ರಾಥಮಿಕವಾಗಿ ಮಾತನಾಡುವುದು ಮತ್ತು ಬರೆಯುವುದು ಅನಂತರದ್ದು ಎಂದು ಅರ್ಥಮಾಡಿಕೊಳ್ಳಬೇಕಾಗಿದೆ. ಇದಕ್ಕೆ ಈ ಕೆಳಗಿನ ಕಾರಣಗಳು ಸ್ಪಷ್ಟೀಕರಣ ನೀಡುತ್ತವೆ. ಪ್ರತಿಯೊಂದು ಸಾಮಾನ್ಯ ಮಗು ಯಾವುದಾದರೂ ಒಂದು ಭಾಷೆಯನ್ನು ಮಾತನಾಡುವ ಸಾಮರ್ಥ್ಯವನ್ನು ಹೊಂದಿರುತ್ತದೆ. ನಂತರದ ದಿನಗಳಲ್ಲಿ ಆ ಮಗು ಆ ಭಾಷೆಯನ್ನು ಬರೆಯಲು ಕಲಿಯಬಹುದು ಅಥವಾ ಕಲಿಯದೇ ಇರಬಹುದು. ಜಗತ್ತಿನಲ್ಲಿ ಎಷ್ಟೋ ಭಾಷೆಗಳಿಗೆ ಲಿಪಿಯೇ ಇರುವುದಿಲ್ಲ. ಅವು ಬಾಯಿಂದ ಬಾಯಿಗೆ ಹರಡುತ್ತಲೇ ಬಳಕೆಯಾಗುತ್ತದೆ. ಉದಾಹರಣೆಗೆ ತುಳು ಭಾಷೆ, ಕೊಂಕಣಿ ಭಾಷೆ ಇತ್ಯಾದಿ. ಪ್ರಪಂಚದ ಎಲ್ಲಾ ರಾಷ್ಟ್ರಗಳಲ್ಲಿ ವಾಸಿಸುವ ಜನ ತಮ್ಮ ಪ್ರದೇಶಕ್ಕನುಗುಣವಾಗಿ ತಮ್ಮ ಪೂರ್ವಿಕರು ಆಡಿಕೊಂಡು ಬಂದ ಒಂದೊಂದು ಭಾಷೆ ಇದೆ. ಈ ಎಲ್ಲಾ ಭಾಷೆಗಳ ಮೂಲ ಶಬ್ದೋತ್ಪಾದನೆಯೇ ಆದರೂ, ಸ್ವರಗಳ, ಅಕ್ಷರಗಳ ಹಾಗೂ ಶಬ್ದಗಳ ವ್ಯತ್ಯಾಸದಿಂದಾಗಿ ಅನೇಕ ಭಾಷೆಗಳಾಗಿ ಮಾರ್ಪಟ್ಟಿವೆ. ಭಾಷೆಯ ವೈಜ್ಞಾನಿಕ ಅಧ್ಯಯನವೇ ಭಾಷಾ ಶಾಸ್ತ್ರ. ಇದರಲ್ಲಿ ಅಧ್ಯಯನಕ್ಕೆ ಸಂಬಂಧಪಟ್ಟಂತೆ, ಭಾಷೆಯ ರೀತಿ, ಭಾಷೆಯ ಅರ್ಥ ಮತ್ತು ಭಾಷೆಯ ಸಂದರ್ಭಗಳೆಂಬ ಮೂರು ಅಂಶಗಳಿವೆ. ಕ್ರಿ.ಪೂ.೫೦೦ ರಲ್ಲಿ ಪಾಣಿನಿಯು ಸಂಸ್ಕ್ರುತದಲ್ಲಿ ರಚಿಸಿದ 'ಅಷ್ಟಾಧ್ಯಾಯ' ಎಂಬ ಕೃತಿಯು ಭಾಷಾ ವಿವರಣೆಯ ಬಗ್ಗೆ ಮಾಡಿದ ಪ್ರಥಮ ಪ್ರಯತ್ನ ಎನ್ನಬಹುದು. ಭಾಷೆಯು ಶಬ್ದ ಮತ್ತು ಅರ್ಥಗಳ ನಡುವಿನ ಆಟ ಎಂದು ಅರ್ಥಮಾಡಿಕೊಳ್ಳಬಹುದು. ಭಾಷಾ ದ್ವನಿಯನ್ನು ಅಧ್ಯಯನ ಮಾಡುವ ವಿಧಾನಕ್ಕೆ " ಸ್ವರಶಾಸ್ತ್ರ " ಅಥವಾ ಭಾಷಾ ದ್ವನಿ ಶಾಸ್ತ್ರ ಎನ್ನುತ್ತೇವೆ. ಇದು ಉಚ್ಛರಿಸಲ್ಪಡುವ ಮತ್ತು ಉಚ್ಛರಿಸಲಾಗದ ಶಬ್ದಗಳು ಮತ್ತು ಅವುಗಳು ಹೇಗೆ ಉತ್ಪತ್ತಿಯಾಗುತ್ತವೆ ಮತ್ತು ಹೇಗೆ ಗ್ರಹಿಸಲ್ಪಡುತ್ತವೆ ಎಂಬುದನ್ನು ಒಳಗೊಂಡಿರುತ್ತದೆ. ಇನ್ನೊಂದು ಅರ್ಥದಲ್ಲಿ, ಭಾಷಾಧ್ಯಯನದ ಅರ್ಥವು, ಒಂದು ಭಾಷೆಯು ತಾರ್ಕಿಕ ಮತ್ತು ನಿಜ ಪ್ರಪಂಚದಲ್ಲಿ ಹೇಗೆ ಅರ್ಥವನ್ನು ತಿಳಿಸುತ್ತದೆ ಮತ್ತು ಹೇಗೆ ಸಂಧಿಗ್ದಾರ್ಥವನ್ನು ಪರಿಹರಿಸುತ್ತದೆ ಎಂಬುದಾಗಿದೆ. ಪದ ಮತ್ತು ವಿಷಯದಿಂದ ಹೇಗೆ ಅರ್ಥ ಬರುತ್ತವೆಂಬುದನ್ನು "ಸೆಮ್ಯಾಂಟಿಕ್ಸ್ ಎಂದು ಮತ್ತು ಸಂದರ್ಭದಿಂದ ಹೇಗೆ ಅರ್ಥ ಬರುತ್ತದೆ ಎನ್ನುವುದನ್ನು " ಪ್ರಾಗ್ಮ್ಯಾಟಿಕ್ಸ್ " ಎಂದೂ ಕರೆಯಲ್ಪಡುವ ಅಂಶಗಳನ್ನು ಒಳಗೊಂಡಿರುತ್ತದೆ. ಒಂದು ಭಾಷೆಯನ್ನು ಅಧ್ಯಯನ ಮಾಡಲು ಅದರದೇ ಆದಂತಹ ನಿಯಮಗಳಿವೆ. ಅದನ್ನು ವ್ಯಾಕರಣ (ಗ್ರಾಮರ್) ಎನ್ನುತ್ತೇವೆ. ಇದು ಒಂದು ಭಾಷೆಯನ್ನಾಡುವ ಸಮುದಾಯದ ಜನರಿಗೆ ಸಂಬಂಧಿಸಿದ್ದು . ವ್ಯಾಕರಣವು ಶಬ್ದ ಮತ್ತು ಅರ್ಥದಿಂದ ಪ್ರಭಾವಿತವಾಗುತ್ತದೆ ಮತ್ತು ಮಾರ್ಫಾಲಜಿ (ಪದಗಳ ರಚನೆ ಮತ್ತು ಸಂಯೋಜನೆ), ಸಿಂಟ್ಯಾಕ್ಸ್ (ಪದ ಪುಂಜಗಳ ರಚನೆ ಮತ್ತು ಸಂಯೋಜನೆ) ಹಾಗೂ ಫೊನಾಲಜಿ (ಶಬ್ದ ಪದ್ದತಿ) ಇವುಗಳನ್ನು ಒಳಗೊಂಡಿರುತ್ತದೆ. ಭಾಷಾ ಸಮೂಹಗಳ ಮತ್ತು ದೊಡ್ಡ ವಾಕ್ಯಗಳ ಮುಖಾಂತರ ಒಂದು ಪಠ್ಯವನ್ನು ಭಷಾ ಗುಣಲಕ್ಷಣಗಳಾಗಿ ಮತ್ತು ವಿಶೇಷ ರೀತಿಯ ಲಿಖಿತ ಮತ್ತು ಅಲಿಖಿತ ಸಂಭಾಷಣೆಗಳಾಗಬಹುದಾದ ಸಾಧ್ಯತೆಯನ್ನು ವಿಶ್ಲೇಷಿಸಬಹುದು.
Answer:
ಸಿರಿಗನ್ನಡಂ ಗೆಲ್ಗೆ ಸಿರಿಗನ್ನಡಂ ಬಾಳ್ಗೆ
Explanation: