രണ്ടിടങ്ങഴി എന്ന നോവലിൽ തെളിയുന്ന സാമൂഹിക വ്യവസ്ഥിതിയെക്കുറിച്ച് ഉപന്യസിക്കുക ?
Answers
Explanation:
സാഹിത്യം പരിശോധിച്ചാല്‍ കാലഘട്ടങ്ങളില്‍ നടന്നിരുന്ന അനീതിയും അക്രമവും വരച്ചു കാട്ടുന്ന കൃതികള്‍ കാണാന്‍ സാധിക്കും. അത് കൊണ്ട് തന്നെ സാഹിത്യം സമൂഹത്തിന്റെ കണ്ണാടി ആണെന്ന് പറയാം. ലോകത്തെ എല്ലാ പ്രശ്നങ്ങളെയും മനുഷ്യരാശിയുടെ പ്രശ്നമായി കണ്ടു എഴുത്തുകാര്‍ അതിനെ ആവിഷ്കരിച്ചിരുന്നു. നവോത്ഥാന കാലഘട്ടത്തിലെ എഴുത്തുകള്‍ പരിശോധിച്ചാല്‍ സമൂഹത്തിലെ അനീതിക്കെതിരെ പ്രതികരിച്ച പല എഴുത്തുകളും നമുക്ക് കാണാന്‍ കഴിയും. അക്കാലത്തെ രചനകള്‍ പലതും ആ കാലഘട്ടത്തിലെ ചരിത്രം
കൂടിയായി മാറുന്നുണ്ട്.
ചരിത്രം എന്നത് ചില കൂലിയെഴുത്തുകാരുടെ സാഹിത്യമായി മാത്രം പരിണമിക്കുമ്പോള്‍ ശക്തമായ നോവലുകള്‍ നേരിന്റെ പക്ഷത്തു നിലനിന്നുകൊണ്ട് അനീതിയെ എതിര്‍ക്കുന്നുണ്ട്. അത്തരമൊരു കൃതിയാണ് തകഴി ശിവശങ്കരപ്പിള്ളയുടെ രണ്ടിടങ്ങഴി. കയര്‍ പോലുള്ള ബൃഹത്തായ ഒരു നോവലെഴുതി ചരിത്രം സൃഷ്ടിച്ച തകഴിയില്‍ നിന്ന് ചെറിയ ഒരു നോവല്‍ .
അതാണ് ജീവനും ജീവിതവും രാഷ്ട്രീയവും കലര്‍ന്ന രണ്ടിടങ്ങഴി .
പുരാതന ചരിത്ര സംഭവങ്ങളില്‍ നിന്നും ഊറ്റം കൊണ്ടും, ചരിത്ര പുരുഷന്മാരുടെ വീരത്വം, അവരുടെ മാനസികാവസ്ഥ മുതലായവ വരച്ചു കാട്ടിയും നോവല്‍ രചനകള്‍ നിരവധി ഉണ്ടായ കാലത്ത് നിന്നും മാറി ദേവ് , തകഴി, വര്‍ക്കി, ഉറൂബ് , ബഷീര്‍ , കാരൂര്‍ , തുടങ്ങിയവര്‍ സമൂഹത്തിലെ പല കള്ളത്തരങ്ങളെയും തങ്ങളുടെ രചനയിലൂടെ തുറന്നു കട്ടി.