आत्मकाथन " मी शाल बोलतेय
Answers
Answer:
मी मराठी शाळा बोलतेय हे ऐकून तुम्हाला नवलच वाटेल; पण ते खरे आहे. आज माझा सयंम संपला आहे. मी निमुटपणे सर्व सहन करत आले; पण मला आता राहवत नाही. माझ्यावरचा अन्याय मी सहन करणार नाही. माझ्या विचारांचा आता उद्रेक झाला आहे. माझे विचार ज्वालामुखी सारखे रौद्र रूप धारण करत आहे. याचे कारण माझ्यावर केलेले खोटे आरोप, बदनामी होय. माझ्यामुळे चांगले शिक्षण मिळत नाही. पाल्याचे भवितव्य धोक्यात आहे असा अपप्रचार केला जात आहे. माझ्यावरील हे सारे आरोप खोटे व बिनबुडाचे आहेत. माझा अपप्रचार करण्यामागे काही स्वार्थी लोकांचा, धनिक लोकांचा मला संपविण्याचा डाव आहे.त्यांनी शिक्षणाचा बाजार मांडला आहे. पण मी घाबरणार नाही. मी तुमच्यासाठी अजूनही खंबीर उभी आहे. पूर्वीचे स्वरुप मी काळानुरूप बदलत आहे. चांगल्या शिक्षणासाठी मी कटिबद्ध आहे. तुम्ही मुळीच घाबरून जाऊ नका. मराठी शाळेत आल्यावर तुम्हाला हमखास सरकारी नोकरी मिळणार आहे. मी विद्यार्थ्यांचा सर्वांगिण विकास साधत आहे. नियम, संस्कार,शिस्त, मूल्ये फक्त मराठी माध्यमांच्या शाळेतच मिळणार आहे. चांगला पाल्य आदर्श नागरिक घडणार आहे.शास्रज्ञ, डॉक्टर,इंजिनियर, न्यायाधिश तर माझ्याच कुशीत शिकले व आंतरराष्ट्रीय पातळीवर कीर्तीवंत आहेत. आपल्या संतांची भाषा कोणी शिकविली?माझ्यातील गुणवत्ता व महत्त्व थोडेही कमी झालेले नाही.मला फक्त आवशकता आहे तुमच्या सहकार्याची व एकीची. तरच मी जीवंत राहील.