about republic day essay in kannada
Answers
Answer:
ಗಣರಾಜ್ಯೋತ್ಸವ ಆಚರಣೆಗೆ ಕೇವಲ ಮೂರು ದಿನಗಳು ಬಾಕಿ ಇದೆ. ಇಡೀ ದೇಶ ಗಣರಾಜ್ಯೋತ್ಸವವನ್ನು ವಿಜೃಭಣೆಯಿಂದ ಆಚರಣೆ ಮಾಡಲು ಸಜ್ಜಾಗುತ್ತಿದೆ. ಭಾರತ 71ನೇ ರಿಪಬ್ಲಿಕ್‌ ಡೇ ಆಚರಿಸಲಿದ್ದು, ದೇಶ ಸ್ವಾತಂತ್ರ್ಯೋತ್ತರ ಗಣರಾಜ್ಯ ದೇಶವಾದ ಐತಿಹಾಸಿಕ ದಿನ ಮತ್ತು ಸಂವಿಧಾನ ಜಾರಿಗೆ ಬಂದ ದಿನವನ್ನು ಸಂತೋಷದಿಂದ ನೆನಪು ಮಾಡಿಕೊಳ್ಳುವ ಸನಿಹದಲ್ಲಿದೆ.
ಶಾಲಾ-ಕಾಲೇಜುಗಳಲ್ಲಿ ಗಣರಾಜ್ಯೋತ್ಸವವನ್ನು ವಿಶೇಷವಾಗಿ ಆಚರಿಸಲು ಶಿಕ್ಷಕರು-ಮಕ್ಕಳು ಈಗಾಗಲೇ ಹಲವು ಪ್ಲಾನ್‌ ಮಾಡಿಕೊಂಡಿದ್ದಾರೆ. ಸಾಂಸ್ಕೃತಿಕ ಚಟುವಟಿಕೆಗಳ ಜೊತೆಗೆ, ಈ ಹಬ್ಬಕ್ಕಾಗಿಯೇ ಹಲವು ಸ್ಪರ್ಧೆಗಳ ಜೊತೆಗೆ ಗಣರಾಜ್ಯೋತ್ಸವದ ಬಗ್ಗೆ ಭಾಷಣ ಸ್ಪರ್ಧೆಯನ್ನು ನಡೆಸಲಿದ್ದು, ಈ ವಿಷಯದಲ್ಲಂತು ರಾಜಿಯೇ ಇಲ್ಲ.
ಗಣರಾಜ್ಯೋತ್ಸವ ಭಾಷಣ ಸ್ಪರ್ಧೆಗೆ ನಿಮ್ಮ ಮಕ್ಕಳು ಭಾಗವಹಿಸುತ್ತಿದ್ದಲ್ಲಿ, ಸರಳ ಮತ್ತು ಉತ್ತಮ ಭಾಷಣ ಸಲಹೆಯನ್ನು ಇಲ್ಲಿ ನೀಡಲಾಗಿದ್ದು, ಸಹಾಯವಾಗಬಹುದು.
ಗಣರಾಜ್ಯೋತ್ಸವ ದಿನ ಭಾಷಣ
ನನ್ನ ನೆಚ್ಚಿನ ಶಿಕ್ಷಕರೇ ಹಾಗೂ ನನ್ನ ಸಹಪಾಠಿಗಳೇ,
ನಮಗೆಲ್ಲರಿಗೂ ತಿಳಿದಿರುವಂತೆ ಇಂದು ನಾವು 71ನೇ ಗಣರಾಜ್ಯೋತ್ಸವ ದಿನವನ್ನು ಆಚರಿಸಲು ಸೇರಿದ್ದೇವೆ. ಇಂದು ನಮ್ಮ ದೇಶದ ಬಗ್ಗೆ ಮತ್ತು ಸಂವಿಧಾನ ಜಾರಿಗೆ ಬಂದ ಈ ದಿನದ ಬಗ್ಗೆ ಹಂಚಿಕೊಳ್ಳಲು ತುಂಬಾ ಕುತೂಹಲವಾಗುತ್ತಿದ್ದು, ಅವಕಾಶ ಸಿಕ್ಕಿರುವುದಕ್ಕೆ ತುಂಬಾ ಸಂತೋಷವಾಗುತ್ತಿದೆ.
ಇಂದು ನಮಗೆಲ್ಲಾ ಗೊತ್ತಿರುವ ಹಾಗೆ 71ನೇ ಗಣರಾಜ್ಯ ದಿನವನ್ನು ಆಚರಿಸುತ್ತಿದ್ದೇವೆ. ಪ್ರತಿವರ್ಷ ಜನವರಿ 26 ರಂದು ರಿಪಬ್ಲಿಕ್‌ ಡೇ ಅನ್ನು ಆಚರಣೆ ಮಾಡುತ್ತೇವೆ. ಇಂದು ಭಾರತ ಸಂವಿಧಾನ ಜಾರಿಗೆ ಬಂದ ದಿನ.
ಈ ದೇಶದ ಒಬ್ಬ ಪ್ರಜೆಯಾಗಿರುವುದಕ್ಕೆ ನಾನು ತುಂಬಾ ಹೆಮ್ಮೆ ಪಡುತ್ತೇನೆ. ಸಂವಿಧಾನ ಜಾರಿಗೆ ಬಂದ ನಂತರ ಈ ದೇಶದ ಪ್ರತಿಯೊಬ್ಬರಿಗೂ ಮೂಲಭೂತ ಹಕ್ಕುಗಳಾದ ಸಮಾನತೆ, ಸ್ವತಂತ್ರ, ಧರ್ಮ, ಸಂಸ್ಕೃತಿ, ಶಿಕ್ಷಣ ಮತ್ತು ಇತರೆ ಸಿಕ್ಕಿವೆ.
ಇಂತಹ ಶುಭದಿನ ಮತ್ತು ಐತಿಹಾಸಿಕ ದಿನದಂದು ತಮ್ಮ ದೇಶದ ಸ್ವಾತಂತ್ರ್ಯ ಮತ್ತು ಸಂವಿಧಾನಕ್ಕಾಗಿ ಶ್ರಮಿಸಿದ ಎಲ್ಲರಿಗೂ ತಲೆ ಭಾಗಿಸಿ ನಮಿಸಬೇಕಿದೆ. ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ ಮಹಾನ್‌ ವ್ಯಕ್ತಿಗಳ ಆತ್ಮಕ್ಕೆ ಶಾಂತಿ ಕೋರುತ್ತ, ನನ್ನ ಮಾತುಗಳನ್ನು ಮುಗಿಸುತ್ತೇನೆ.
ಇಷ್ಟು ಮಾತನಾಡಲು ಅವಕಾಶ ಮಾಡಿಕೊಟ್ಟ ನಿಮಗೆಲ್ಲರಿಗೂ ಮತ್ತೊಮ್ಮೆ ಧನ್ಯವಾದಗಳು.
ಜೈ ಹಿಂದ್..
ರಿಪಬ್ಲಿಕ್‌ ಡೇ ಭಾಷಣಕ್ಕೆ ತಯಾರಿ ವೇಳೆ ಈ ಕೆಳಗಿನ ಸಲಹೆಗಳನ್ನು ಪರಿಗಣಿಸಿ.
ತುಂಬಾ ಸರಳವಾಗಿರಲಿ
ಮಕ್ಕಳು ಭಾಷಣ ಮಾಡುವ ಕಾರಣದಿಂದ ತುಂಬಾ ಸರಳವಾಗಿರಲಿ. ಹಾಗೂ ವಾಕ್ಯಗಳ ರಚನೆ ಮತ್ತು ಪದಗಳ ಬಳಕೆ ಸುಲಭವಾಗಿರಲಿ.
ಗಣರಾಜ್ಯೋತ್ಸವದ ಬಗ್ಗೆ ಮಾಹಿತಿ ಸಂಕ್ಷಿಪ್ತವಾಗಿರಲಿ
ಭಾಷಣದ ಮೊದಲ ಪ್ಯಾರಾದಲ್ಲೇ ಗಣರಾಜ್ಯೋತ್ಸವ ಬಗ್ಗೆ, ಪ್ರಾಮುಖ್ಯತೆ ಬಗ್ಗೆ ಸಂಕ್ಷಿಪ್ತ ಮಾಹಿತಿ ನೀಡಿ.
ವಾಕ್ಯಗಳು ಚಿಕ್ಕದಾಗಿರಲಿ
ಭಾಷಣ ತುಂಬಾ ಹೆಚ್ಚು ಮತ್ತು ದೀರ್ಘವಿರದಂತೆ ನೋಡಿಕೊಳ್ಳಿ. ಮಕ್ಕಳಿಗೆ ಹೇಳಲು ಸರಳ ಮತ್ತು ಚಿಕ್ಕ ವಾಕ್ಯಗಳು ಇರಲಿ.
ಅಂತ್ಯ ಸಕರಾತ್ಮಕವಾಗಿರಲಿ
ಭಾಷಣದ ಕೊನೆ ಪಾಸಿಟಿವ್‌ ಆಗಿರಲಿ ಮತ್ತು ಎಲ್ಲರಿಗೂ ಧನ್ಯವಾದಗಳನ್ನು ಹೇಳಲು ಮರೆಯದಿರಲಿ.