d) इंटरनेटच्या अतिवापराचे दुष्परिणाम .
Answers
Explanation:
इंटरनेटचा अतिवापर, सतत कम्प्युटरवर राहणं किंवा गेम्स खेळत बसणं ही सगळी इंटरनेट अॅडिक्शन डिसऑर्डरची लक्षणं आहेत. मानसिक, शारीरिक आजाराबरोबर तरुणांच्या शिक्षण आणि करिअरवरही त्याचे दुष्परिणाम होतायत.
इंटरनेट अतिवापराचे प्रकार
सायबर सेक्शुअल अॅडिक्शन - सतत पॉर्न साइट्स पाहण्यातून सायबर सेक्सचं प्रमाण वाढत आहे. सतत पॉर्न बघण्याची इच्छा होणं हे सायबर पॉर्नचं लक्षण आहे.
सायबर रिलेशनशिप अॅडिक्शन - ऑनलाइन विश्वात रमलेले लोक ऑनलाइन नातेसंबंध ठेवण्यावर भर देतात. अशा नातेसंबंधांची विश्वासार्हता कमी असते. याचे परिणामही गंभीर असतात.
नेटचा अतिवापर - ऑनलाइन शॉपिंग आणि सतत शेअरट्रेडींगचा नाद याचे नकारात्मक परिणाम हळूहळू दिसू लागतात
माहिती मिळवण्याचा हव्यास - इंटरनेटच्या आहारी गेल्याने सतत नेट सर्फींगची सवय लागते. जी वाईटच आहे.
कम्प्युटरचा अतिवापर - कम्प्युटरवर तासनतास गेम्स खेळणं, हे आपण त्याच्या आहारी गेल्याचं एक लक्षण आहे. याचे मानसिक आणि शारीरिक परिणाम गंभीर असतात.
कम्प्युटर किंवा इंटरनेट वापराच्या आहारी गेल्याचं कसं ओळखावं? हा प्रश्नच असतो. त्यासाठी काही प्रश्न विचारले जातात. आठपैकी पाच प्रश्नांची उत्तर सकारात्मक असतील तर ती व्यक्ती नक्कीच इंटरनेटच्या आहारी गेली आहे, हे सिद्ध होईल.
-तुमच्या वेळापत्रकात जास्तीत जास्त वेळ इंटरनेट वापराला दिला गेलेला आहे का?
-भूतकाळातील किंवा भविष्यातील ऑनलाइन वापरावर तुम्ही विचार करता का?
-मनाला समाधान मिळण्यासाठी जास्त वेळ ऑनलाइन राहण्याची गरज असते, असं तुम्हाला वाटतं का?
-इंटरनेट काही काळ वापरायचं नाही किंवा पूर्णत: इंटरनेटचा वापर करायचा नाही असा विचार तुम्ही करता का? असे प्रयत्न यशस्वी ठरतात की अयशस्वी?
-इंटरनेट वापर कमी केल्यास किंवा न केल्यास तुमचा मूड खराब होतो का? किंवा तुम्हाला नैराश्य आल्यासारखं वाटतं का?
-तुम्ही ठरवलेल्या वेळेपेक्षा जास्त वेळ ऑनलाइन असता का?
-नातेसंबंध, अभ्यास, करिअर किंवा नोकरी यावर तुमच्या इंटरनेट अतिवापराचा नकारात्मक परिणाम तुम्हाला दिसून आला आहे का?
-इंटरनेट वापरामुळे तुमच्यावरील ताण-तणाव कमी होतो किंवा अनेक समस्यातून पळवाट काढता येते असा तुमचा समज आहे का?
उपचार
इंटरनेट वापराच्या आहारी गेलेल्या व्यक्तीला समुपदेशनाच्या माध्यमातून त्याच्या चुकांची जाणीव करुन दिली जाते. इंटरनेट वापराचा परिणाम, त्याचे शरीरावर होणारे परिणाम याचे महत्त्व थेरपिस्ट समजावून सांगतात.
Explanation:
_-_-_-_इंटरनेटच्या अतिवापराचे दुष्परिणाम .-_-_-_-_-_
दिवसातील जास्तीत जास्त वेळ इंटरनेटवर सर्फिंग आणि गेम खेळण्यात घालवणाऱया किशोरवयीन मुलांना उच्च रक्तदाबाचा किंवा स्थूलतेचा त्रास होऊ शकतो, असे अमेरिकेत करण्यात आलेल्या एका संशोधनातून स्पष्ट झाले आहे. मैदानावरील खेळांपेक्षा घरात बसून इंटरनेटवर विविध गेम खेळणाऱ्या मुलांसाठी या संशोधनातील निष्कर्ष धोक्यांची घंटाच आहे.
साधारणपणे आठवड्यातील १४ तास इंटरनेटवर घालवणाऱ्या मुलां-मुलींना उच्च रक्तदाबाचा त्रास सुरू झाल्याचे दिसून आले. एकूण १३४ मुलांचे या संशोधनासाठी निरीक्षण करण्यात आले. ही सर्व किशोरवयीन मुले इंटरनेटचा सर्वाधिक वापर करणारी होती. यापैकी २६ जणांना उच्च रक्तदाबाचा त्रास सुरू झाल्याचे दिसून आले. इंटरनेटचा वापर आणि त्याचा किशोरवयीन मुलांच्या तब्येतीवर होणारा परिणाम याचा अभ्यास करणारे हे कदाचित पहिलेच संशोधन असावे. त्याचबरोबर इंटरनेटच्या वापराचा शरीरावर परिणाम होऊ शकतो, हे सुद्धा या संशोधनातून स्पष्ट झाले आहे. यातून मुला-मुलींमध्ये व्यसनाधीनता, उदासीनता, स्थूलता, एकलकोंडेपणा असे शारीरिक आणि मानसिक पातळीवरचे आजार निर्माण होऊ शकतात, असे संशोधकांनी म्हटले आहे. स्कूल नर्सिंग या जर्नलमध्ये या संशोधनाबद्दल माहिती देण्यात आली आहे.
इंटरनेटचा वापर हा आता प्रत्येकाचा जीवनशैलीचा भाग बनला आहे. मात्र, कोणत्याही स्थितीत त्याचा आहारी जाण्यात अर्थ नाही. आम्ही संशोधनामध्ये ज्या मुलांचा समावेश केला होता. ते आठवड्यातील २५ तास इंटरनेटवर घालवत होते, असे पब्लिक हेल्थ सायन्सच्या हेन्री फोर्ड विभागाचे संशोधक अॅण्ड्री कॅसिडी-बश्रो यांनी सांगितले.