here... for Assammese people
CLASS-10
subject_ science
don't spam ❌
if you don't know the language then don't answer.
question :- বিদ্যালয়ৰ প্রধানলৈ ছাত্ৰ একতা সভাৰ সাধাৰণ সম্পাদক হিচাপে বিদ্যালয়ৰ খেল ধেমালিৰ উন্নয়নৰ বাবে এখনি আবেদন পত্র লিখা।
Answers
ANSWER :
প্ৰতি,
মাননীয় ___________ বিদ্যালয়ৰ
প্ৰধান শিক্ষক মহোদয়ৰ সমীপেষু,
তাং : _ _ / _ _ / _ _ _ _
বিষয় : বিদ্যালয়ৰ খেল ধেমালিৰ উন্নয়নৰ বাবে আবেদন
শ্ৰদ্ধাৰ মহোদয়,
বিনীত নিবেদন এই যে আমি বিদ্যালয় একতা সভাৰ ফালৰ পৰা হৈ যোৱা সভাত বিদ্যালয়ৰ কিছুমান অভাৱ-অভিযোগৰ কথা আলোচনা কৰোঁ। সেই প্ৰসংগতে একতা সভাৰ সাধাৰণ সম্পাদক হিচাপে আপোনাক জনাওঁ যে আমাৰ বিদ্যালয়ৰ খেল-ধেমালিৰ দিশটোৰ উন্নয়নৰ প্ৰয়োজন আছে। বিদ্যালয়ৰ ছাত্ৰ-ছাত্ৰীসকলে খেল-ধেমালিৰ বাবে পৰ্যাপ্ত সা-সুবিধাৰ পৰা বঞ্চিত হৈ আছে। ছাত্ৰ-ছাত্ৰীৰ শাৰীৰিক আৰু মানসিক উৎকৰ্ষ সাধনৰ বাবে খেল-ধেমালিৰ গুৰুত্ব অপৰিসীম। আপোনাৰ সুবিবেচনাৰে এই ক্ষেত্ৰত সকলোধৰণৰ সহায়-সহযোগিতা আগবঢ়াব বুলি আশা ৰাখি এই আবেদন পত্ৰখন প্ৰেৰণ কৰিলোঁ। আমাৰ দৃষ্টিত খেল ধেমালিৰ বাবে উন্নয়নৰ দিশবোৰ এইধৰণৰ —
- ১) বহুত দিন অব্যৱহৃত হৈ থকাৰ বাবে খেল পথাৰত ঠায়ে ঠায়ে হোৱা দ' গাতবোৰ ভালদৰে পুতিব লাগে।
- ২) বেডমিণ্টন খেলৰ বাবে প্ৰায় দহজোৰ মান ৰেকেটৰ প্ৰয়োজন।
- ৩) ফুটবল খেলৰ বাবে দুটা গ'লপোষ্টৰ প্ৰয়োজন আছে।
- ৪) ছাত্ৰ-ছাত্ৰীৰ জিৰণি কোঠাৰ বাবে লুডু , কেৰম খেলৰ সামগ্ৰীবোৰ নতুনকৈ অনাৰ ব্যৱস্থা কৰিব লাগে, যিহেতু বৰ্তমান মজুত থকা সামগ্ৰীবোৰ ব্যৱহাৰৰ অনুপযোগী হৈ পৰিছে।
- ৫) ক্ৰিকেটৰ পিট্ চখনৰো কিছু মেৰামতিৰ প্ৰয়োজন হৈছে।
শৈক্ষিক দিশৰ লগতে খেলা-ধূলাৰ উন্নতিৰ দিশটো আপুনি সততে সজাগ দৃষ্টি ৰাখি আহিছে, তাৰ বাবে আমি কৃতজ্ঞ । আশা কৰোঁ পূৰ্বৰ দৰেই সহৃদয়তাৰে বিবেচনা কৰি উল্লিখিত বিষয়ত বিহিত ব্যৱস্থা গ্ৰহণ কৰিবলৈ মহোদয়ক সানুনয়ে অনুৰোধ জনালোঁ।
ইতি,
আপোনাৰ বিশ্বাসী
____________
সাধাৰণ সম্পাদক
ছাত্ৰ একতা সভা
___________ বিদ্যালয়