Question

Information about rose in Kannada

Answer 1

* ಮಂಜುಳಾ ಬಿ
ಹೂವುಗಳ ರಾಣಿ ಎಂದೇ ಕರೆಸಿಕೊಂಡಿರುವ ಗುಲಾಬಿ ನೋಡಲು ಮಾತ್ರ ಸುಂದರ ಎನ್ನುವಂತಿಲ್ಲ. ಅದು ಸಮೃದ್ಧವಾದ ಔಷಧೀಯ ಗುಣಗಳನ್ನು ತನ್ನಲ್ಲಡಗಿಸಿಕೊಂಡಿದೆ. 

* ಗುಲಾಬಿಯ ಸುವಾಸನೆ ಅಮಲನ್ನು ಕಡಿಮೆ ಮಾಡುತ್ತದೆ. ಗುಲಾಬಿಯ ಎಸಳನ್ನು ರಾತ್ರಿ ನೀರಿನಲ್ಲಿ ನೆನೆಸಿಟ್ಟು, ಬೆಳಗಾದಾಗ ಆ ನೀರಿನಿಂದ ಕಣ್ಣುಗಳನ್ನು ತೊಳೆದರೆ, ಕಣ್ಣಿನ ಉರಿ ಮಾಯವಾಗುತ್ತದೆ.


* ಒಣಗಿದ ರೇಖುಗಳನ್ನು ಜೇನುತುಪ್ಪದೊಂದಿಗೆ ಕಲಸಿ ಸೇವಿಸುವುದರಿಂದ ಉದರಬೇನೆ ಗುಣವಾಗುತ್ತದೆ. ದೇಹದ ಉಷ್ಣತೆ ತಗ್ಗುತ್ತದೆ. ವೀಳ್ಯದೆಲೆಯೊಡನೆ ಗುಲಾಬಿಯ ರೇಖುಗಳನ್ನು ಸೇರಿಸಿ ತಿಂದರೆ ಬಾಯಿಯ ದುರ್ಗಂಧ ನೀಗುತ್ತದೆ. 
* ಒಂದು ಹಿಡಿಯಷ್ಟು ಗುಲಾಬಿ ಮೊಗ್ಗನ್ನು ಅರೆದು, ಮೊಸರಿನಲ್ಲಿ ಕಲಸಿ ಸೇವಿಸಿದರೆ ಶೀತಬಾಧೆ ನೀಗುತ್ತದೆ. 

* ಗುಲಾಬಿಯ ಎಸಳುಗಳನ್ನು ಮಡಿಕೆಯಲ್ಲಿ ಹಾಕಿ, ನೀರಿನಲ್ಲಿ ಕುದಿಸಿ, ಬೆಳಗ್ಗೆ ಮತ್ತು ರಾತ್ರಿ ಸಕ್ಕರೆ ಬೆರೆಸಿ ಕುಡಿದರೆ ಮಲಬದ್ಧತೆ ನೀಗುತ್ತದೆ. ಮೂಲ ರೋಗದ ಕಾವು ತಗ್ಗುತ್ತದೆ. 

* ಗುಲಾಬಿ ಹೂವಿನ ಕಷಾಯ ಮಾಡಿ ಹಸುವಿನ ಹಾಲು ಮತ್ತು ಸಕ್ಕರೆ ಬೆರೆಸಿ ಕುಡಿದರೆ ಪಿತ್ತದಿಂದ ಬರುವ ಕಣ್ಣು ಕತ್ತಲು ದೂರವಾಗುತ್ತದೆ. ಬಾಯಿಯ ಕಹಿ ನೀಗುತ್ತದೆ. 

* ನಿತ್ಯ ಬೆಳಗ್ಗೆ ಮತ್ತು ಸಾಯಂಕಾಲ ಗುಲ್ಕಂದ್ ಸೇವಿಸುತ್ತಾ ಬಂದರೆ ರಕ್ತಬೇಧಿ ನಿಲ್ಲುತ್ತದೆ. ಪಿತ್ತ ಸಂಕಟ ಇಲ್ಲವಾಗುತ್ತದೆ. ದೇಹದ ಉಷ್ಣತೆ ಕಡಿಮೆಯಾಗುತ್ತದೆ. ಉದರ ಸಂಬಂಧವಾದ ಸಂಕಟಗಳು ಗುಣವಾಗುತ್ತವೆ. ಮೂಲವ್ಯಾಧಿ ವಾಸಿಯಾಗುತ್ತದೆ. 

* ಗುಲಾಬಿಯ ಮೊಗ್ಗಿನ ಪುಡಿ, ಜಾಯಿಕಾಯಿ ಪುಡಿ ಮಾಡಿ ನಿಂಬೆರಸದಲ್ಲಿ ಕಲಸಿ ಸ್ವಲ್ಪ ನೀರು ಬೆರೆಸಿ ಕುಡಿದರೆ ಎದೆನೋವು ನೀಗುತ್ತದೆ. ಗುಲಾಬಿಯ ಎಸಳಿನ ರಸಕ್ಕೆ ನೀರು ಬೆರೆಸಿ ಕುಡಿದರೂ ಎದೆನೋವು ಗುಣವಾಗುತ್ತದೆ. 

* ಸಮಪ್ರಮಾಣದ ಗುಲಾಬಿ ಮೊಗ್ಗು, ಅತಿಮಧುರ ಮತ್ತು ಸೋಂಪನ್ನು ಜಜ್ಜಿ ಹಾಲಿನಲ್ಲಿ ಕಲಸಿ ಕುಡಿದರೆ ಮಲಬದ್ಧತೆ ನೀಗುತ್ತದೆ. 

* ಗುಲಾಬಿಯ ರಸವನ್ನು ಒಳ್ಳೆಣ್ಣೆಯಲ್ಲಿ ಬೆರೆಸಿ, ಕಾಯಿಸಿ ಆರಿಸಿದ ಮೇಲೆ ಗಾಯದ ಮೇಲೆ ಬಳಿದರೆ ಗಾಯ ವಾಸಿಯಾಗುತ್ತದೆ. 

* ಗುಲಾಬಿಯ ರೇಖುಗಳನ್ನು ತಿಂದರೆ ಗಂಟಲು ಹುಣ್ಣು ಮಾಗುತ್ತದೆ. ಗುಲಾಬಿಯ ಸುಮಧುರ ಕಂಪು ತಲೆನೋವನ್ನು ಗುಣಪಡಿಸುತ್ತದೆ. ಆಯಾಸವನ್ನು ಪರಿಹರಿಸುತ್ತದೆ.