Question

कुण जमीन रो धणी की समीक्षा


Pls provise the summary fast.. ​

Answer 1

Answer:

कुण जमीन रो धणी ?

हाड़ मांस चाम गाळ

खेत में पसेव सींच,

लू लपट ठंड मेह

सै सवै दांत भींच,

फाड़ चौक कर करै जोतणी’र बोवणी

बो जमीन रो धणी’क ओ जमीन रो धणी ?

मद पिवै उड़ै मजा

करै जुलम सैंकड़ी,

ठग बण्या ठाकरां

हिद हुई हैंकड़ी,

रात दिन रैत नैं लूंटणी’र खोसणी,

ओ जमीन रो धणी’क बो जमीन रो धणी ?

हळ जुप्यो जद बिक्या

फूस पान टापरो,

पेट काट बीज री

करी जुगाळ बापड़ो,

पड़ी छांट कया हरख रामजी भली सुणी,

ओ जमीन रो धणी’क बो जमीन रो धणी ?

खड़ी फसल करा कुड़क

भरै ब्याज बाणियूं,

बळद बेच ब्याज रै

ब्याज नै उधाणियूं,

राज सीर चोर कै के करै’र करसणी,

ओ जमीन रो धणी’क बो जमीन रो धणी ?

कुण जमीन रो धणी ?