कारणे लिहा.
अ. जठरात आलेले अन्न आम्लधर्मी होते.
आ. हृदयाच्या स्नायूंना अनैच्छिक स्नायू म्हणतात.
इ. मादक पदार्थांचे सेवन करू नये.
ई. तुमच्या शरीरातील स्नायू मजबूत व कार्यप्रवण हवेत.
Answers
भारतीयांचे स्नायू दुबळेच
शरीराच्या फिटनेससाठी आठवड्यातून कमीत कमी १५० मिनिटं व्यायाम आवश्यक असतो. नियमित व्यायामामुळे स्नायू मजबूत होतात. व्यायाम केल्यास रक्ताभिसरणात सुधारणा होऊन स्नायूंना पुरेशा प्रमाणात प्राणवायू मिळतो. त्यामुळे स्नायू मजबूत आणि दमदार होतात. नियमित व्यायाम केल्यानं प्रौढ आणि उतारवयातसुद्धा शारीरिक क्षमता उत्तम राहते.
ताजी प्रतिक्रिया
हे सगळे रअजनेता काही कामाचे नाही . हे सगळे रअजनेता काही कामाचे नाही . सी जे हे सगळे रअजनेता काही कामाचे नाही . क्षज़ स तसे
Abhishek Oza
सर्व कॉमेंट्स पाहाप्रतिक्रिया लिहा
- डॉ. अविनाश भोंडवे
'दर दहा भारतीयांपैकी ७ जणांचे स्नायू कमकुवत असतात, त्यांच्या स्नायूंचं आकारमान खूप कमी असतं,' असा निष्कर्ष मानवी शरीरातल्या विविध घटकांचं शास्त्रीय पृथक्करण करणाऱ्या 'इन-बॉडी' या अमेरिकन संशोधन संस्थेनं जुलै महिन्यात जाहीर केला.
आजच्या बदललेल्या जीवनशैलीत, दैनंदिन धावपळीत, नियमित व्यायाम आणि योग्य आहार घ्यायला भारतीय तरुण कमी पडत आहेत. त्याचा परिणाम म्हणून त्यांच्या शरीरातील हातापायांच्या, पोटाच्या, पाठीच्या अशा विविध महत्त्वाच्या स्नायूंमधील ताकद, त्या वयातल्या अपेक्षित पातळीपेक्षा कमी आढळते आहे, असं या संस्थेच्या एका शास्त्रीय सर्वेक्षणात दिसून आलं.
शास्त्रीय सर्वेक्षण करणाऱ्या 'इपसोस' या नामांकित फ्रेंच संस्थेच्या साहाय्यानं या संस्थेनं २०१८मध्ये हे सर्वेक्षण केलं. नवी दिल्ली, मुंबई, कोलकाता, चेन्नई, अहमदाबाद, लखनौ, पटना आणि हैदराबाद अशा आठ शहरांत ते झालं. ३० ते ५५ वयोगटातील एकूण १,२४३ स्त्री-पुरुषांची तपासणी यामध्ये करण्यात आली. यात शारीरिक मेहनतीचं काम करणारे, बौद्धिक कार्यात गुंतलेले, कुठलंही काम न करणारे सुखवस्तू अशा विविध प्रकारचे आणि आर्थिकदृष्ट्या वेगवेगळ्या स्तरातले लोक होते. या तपासणीत प्रत्येक व्यक्तीच्या जीवनशैलीची, त्यांच्या आहाराची आणि व्यायामाची सखोल माहिती घेतली गेली. त्यांच्या स्नायूंची ताकद आणि शरीरातील प्रथिनांचं प्रमाण तपासण्यात आलं.
या तपासणीत लखनौमधील स्त्री-पुरुष सर्वांत अशक्त आढळले. तिथल्या ८२ टक्के पुरुष आणि ८० टक्के स्त्रियांच्या स्नायूंची शक्ती सरासरीपेक्षा कमी आढळली. नवी दिल्लीमधील ६४ टक्के स्त्री-पुरुषांचे स्नायू कमकुवत होते. हैदराबादमध्ये कमकुवतपणाचं हे प्रमाण ७५ टक्के स्त्री-पुरुषांमध्ये सापडलं. या सर्वच शहरांत स्त्रियांच्या स्नायूंची ताकद पुरुषांपेक्षा काकणभर जास्त आढळली.
या सर्वेक्षणातील संशोधनात सर्व सहभागी व्यक्तींच्या दैनंदिन शारीरिक व्यायामाबद्दल माहिती घेण्यात आली आणि शरीरातील प्रथिनांचं प्रमाण तपासण्यात आलं. अजिबात व्यायाम न करणं आणि आहारामध्ये प्रथिनांचे प्रमाण अत्यल्प असणं, या दोन्ही कारणांमुळे या साऱ्या व्यक्तींचे स्नायू कमकुवत बनले आहेत, असं सर्वेक्षणातील निष्कर्षांमध्ये नमूद करण्यात आलं. देशातील फक्त १५ टक्के नागरिक या दोन्ही गोष्टींचं पालन करतात, असं दिसून आलं. क्रिकेट आणि बॅडमिंटन सोडता इतर मैदानी खेळांत आणि अॅथलेटिक्समध्ये जागतिक पातळीवर भारत पिछाडीवर का, याचं उत्तरही यातून मिळतं.
प्रथिनयुक्त आहार
दिवसभर काम, नोकरी, व्यवसाय किंवा अभ्यास योग्य पद्धतीनं होण्यासाठी शरीरात ताकद असावीच लागते. शरीराची ताकद म्हणजेच स्नायूंची मजबुती. स्नायूंच्या रचनेत प्रथिनं जास्त प्रमाणात असतात. प्रथिनं ही शरीरातील स्नायूंची वाढ करणारे अन्नघटक असतात. शरीराला आवश्यक असणारी ताकद दिवसभर राहण्यासाठी प्रथिनं योग्य प्रमाणात असणं महत्त्वाचं असते. त्याचप्रमाणे उत्साह टिकून राहण्यासाठी पिष्टमय पदार्थ (कार्बोहायड्रेटस) उचित प्रमाणात जावी लागतात. भारतीयांच्या आहारात चरबीयुक्त स्निग्ध पदार्थ आणि शर्करायुक्त पिठूळ पदार्थांची रेलचेल असते. प्रथिने नावापुरतीच असतात. त्याचा परिणाम अतिरिक्त वजनवाढीत होऊन स्नायू कमकुवत होत राहतात. दूध आणि दुग्धजन्य पदार्थ, मांस, मासे, सोयाबीन, डाळी, शेंगदाणे, अखंड डाळी, स्प्राउटस, पीनट बटर, व्हे प्रोटिन्स अशा गोष्टींचा आहारात मुबलक प्रमाणात वापर केल्यास आवश्यक ती प्रथिनं आपल्या शरीराला मिळतात.
नियमित व्यायाम
शारीरिक हालचाल करणं हे स्नायूंचे मुख्य कार्य असतं. आजच्या बैठ्या जीवनशैलीत अगदी मर्यादित हालचाल होत असल्यानं स्नायूंचा पिळदारपणा नष्ट होऊन ते सैल पडू लागतात. एवढंच नव्हे, तर ते झडतात. त्यांचं आकारमान कमी होतं. यालाच स्नायूंचा कमकुवतपणा म्हणता येईल. त्यामुळे सर्व स्नायूंची पुन्हा पुन्हा हालचाल होणं, शास्त्रीय पद्धतीनं स्नायूंच्या ताकदीमध्ये वाढ व्हावी यासाठी सर्वांगसुंदर व्यायाम नियमितपणे आणि दररोज करणं गरजेचं असतं. हे व्यायाम धावणं, चालणं, पोहणं, सायकल चालवणं असे एरोबिक पद्धतीचे तर करावेतच; पण वेट ट्रेनिंगसारखे मध्यम प्रतीचे वजन उचलण्याचे जिममधील एनेरोबिक व्यायामदेखील आवश्यक असतात. या व्यायामांना योगासनांची जोड दिली, तर स्नायू जास्त दमदार होऊ शकतात. त्याचप्रमाणे मैदानी खेळ नियमितपणे खेळल्यास स्नायू जोमदार बनतात. आपल्या शरीराच्या फिटनेससाठी आठवड्यातून कमीत कमी १५० मिनिटं हे व्यायाम आवश्यक असतात. नियमित व्यायामामुळे स्नायू मजबूत होतात. व्यायाम केल्यास रक्ताभिसरणात सुधारणा होऊन स्नायूंना पुरेशा प्रमाणात प्राणवायू मिळतो. त्यामुळे स्नायू मजबूत आणि दमदार होतात. नियमित व्यायाम केल्यानं प्रौढ आणि उतारवयातसुद्धा शारीरिक क्षमता उत्तम राहते.
आजच्या बैठ्या कामांनी वेढलेल्या, मानसिकदृष्ट्या गुंतागुंतीच्या जीवनशैलीत, आपल्या कम्फर्ट झोनमधून थोडं बाहेर पडून शरीराला व्यायामाचे कष्ट देऊन, जिभेचे चोचले पुरवणारे फास्टफूड आणि शीतपेयं टाळून प्रथिनांचं प्रमाण जास्त असलेला आहार घेतल्यास भारतीयांच्या स्नायूंच्या दुबळेपणाचं प्रमाण नक्कीच कमी होईल.