खालील विषयावर बातमी तयार करा : ' शहरात डेंग्यूचा वाढता फैलाव , आरोग्य विभागाकडून उपाययोजना
Answers
Answer:
टीम मटा, ठाणे
ठाणे, कल्याण डोंबिवली, नवी मुंबई महानगरपालिकेचा आरोग्य विभाग शहरात डेंग्यूचे प्रमाण कमी असल्याचे दावे करत असला तरी शहराच्या विविध विभागांमध्ये डेंग्यूचे पेशंट आढळत आहेत. पालिकेच्या रेकॉर्डवर नोंदवल्या जात असलेल्या आकडेवारीपेक्षा डेंग्यूचा फैलाव जास्त असल्याचे विविध भागांत प्रॅक्टिस करणाऱ्या डॉक्टरांचे म्हणणे आहे. त्याशिवाय मलेरियासह तापाच्या पेशंटमध्येही लक्षणीय वाढ दिसू लागली आहे. त्यामुळे या शहरांमध्ये चिंतेचे वातावरण असून, सरकारी हॉस्पिटलसह खासगी दवाखान्यांमध्येही पेशंटची रीघ लागली आहे. या विषयाचा सीमा शेख- देसाई, राजलक्ष्मी पुजारे, विनित जांगळे, मनोज जालनावाला, शरद पवार यांनी घेतलेला आढावा.
नवी मुंबईत दोघांचा मृत्यू
नवी मुंबई शहरात डेंग्यू व मलेरियाची साथ पसरली असून, संशयित पेशंटच्या संख्येत लक्षणीय वाढ झाली आहे. घणसोली गावात डेंग्यूमुळे दोघांचा मृत्यू झाला असून, उपचार सुरू असलेले पेशंट आणि त्यांच्या नातेवाईकांमध्ये भीतीचे वातावरण पसरले आहे.
घणसोली गावात राहणाऱ्या राखी गायकर यांना डेग्यूंची लागण झाली होती. वाशीतील हिरानंदानी फोर्टीस हॉस्पिटलमध्ये उपचार सुरू असताना त्यांचा मृत्यू झाला. तर प्रशोभ नायर या तरुणावर कोपरखैरणेमधील गगनगिरी हॉस्पिटलात उपचार सुरू असताना त्यांचाही मृत्यू झाला. त्याशिवाय मनाली पाटील, विशाल मढवी, भरत मढवी, चंद्रकांत भोपी, रोनीत वैती यांच्यासह ३० ते ४० जण हॉस्पिटलात उपचार घेत असल्याची माहिती हाती आली आहे. घणसोली गावात तापाची साथ सुरू असताना धुरीकरण व औषध फवारणी व्यवस्थित होत नसून, नागरिकांनी महापालिकेच्या आरोग्य विभागाच्या कामाबाबत नाराजी व्यक्त केली आहे. उपचार घेत असलेल्या पेशंटचे वैद्यकीय अहवालही महापालिकेला सादर करण्यात आले असून, या आजारांचा प्रादुर्भाव रोखण्यासाठी आवश्यक उपाय योजना करण्याची मागणी स्थानिकांनी केली आहे.
Explanation:
Answer:
कोरोना पर बातमी लेखन
Explanation:
लीखना है