Question

मोबाइल चे मनोगत मराठी निबंध​

Answer 1

Answer:

हाय...मला ओळखलत का ? अस म्हणायची खर तर गरजच नाही, कारण आज काल माझ्या शिवाय तुमचं पान ही हलत नाही अस म्हटल तरी चालेल. मला सांगा माझा वापर तुम्ही सतत करत असता, पण तुम्हाला माझ्या बद्दल काही माहिती आहे का? निदान मला मराठीत 'भ्रमणध्वनी' म्हणतात हे तरी ठाऊक आहे का? हसू नका हं माझ्या मराठीतील नावाला. मला ह्या जगात प्रथम कोणी आणले माहीत आहे? मोटोरोला या कंपनीच्या मार्टिन कूपर ह्या व्यक्तीने, तेही 1976 साली व भारतात मी प्रथम आलो ते 1995 साली.

मला येवून फक्त 20-25 वर्षे झाली असतील, तरी मी आज तुमच्या प्रत्येकाच्या आवडीचा 'जादुई स्वप्नांचा दिवाच' झालोय. माझ्या स्क्रिनवर तुम्ही नुसता टच केलात की हव्या त्या व्यक्तीशी संपर्क करु शकता व संदेश ही पाठवू शकता. अशा त-हेने माझ्यामुळे तुमच्या आयुष्याला नवीच जादुई कलाटणी आली. आज अब्जावधी लोक माझा वापर करतायत, कारण मी फक्त संपर्क करु शकतो; एवढाच माझा मर्यादित वापर नाही तर तळहाता एवढ्या माझ्या जादुई पेटीत खुप खजिना भरलाय. इंटरनेट, रेडिओ, गाणी, बातम्या , कँलक्युलेटर, घड्याळ, जीपीएस्, कँमेरा... माझ्यात काय नाही !

सर्वात आवडती व वेड लावणारी गोष्ट माझ्यात आहे ती म्हणजे ' सेल्फी ' होय. ह्या सेल्फीने सर्व जगाला वेड करुन टाकलय. पण सेल्फी काढता काढता तुम्ही मात्र 'सेल्फीश' कधी झालात हे तुम्हाला ही कळले नाही. हो ना?

होय..माझा उपयोग तुम्हाला खुप होत असला तरी माझा तुम्ही जो अति वापर करताय त्यामुळे तुम्हाला दारु पेक्षा ही महाभयंकर व्यसन जडले आहे.. शेवटी अति तेथे मातीच. डोळ्यांचे विकार, मानदुखी व इतरही अनेक दुष्परिणाम अनेकांना झाले आहेत. सतत तो माझ्यात इतका गुंग झालाय की आपल्या आजुबाजूच्या माणसांचा ही त्याला विसर पडू लागलाय. मी तर असेही ऐकलय की माझ्यामुळे कित्येक घटस्फोटही झालेत.

हो... कारण कुटुंबातील कोणत्याच व्यक्तिला ह्या मोबाईलमुळे एकमेकांशी बोलायलापण वेळ नसतो. प्रत्येकजण घरात आला की आपापला मोबाईल घेऊन बसतो. मुलांनाही आपल्या आई-बाबांना काही सांगायच असल्यास त्यांनी माझ्यातच डोक घातलल असत.तसेच आई-बाबांना मुलांशी बोलायच असल्यास ते माझ्यातच रममाण झालेले असतात.

तेच सर्व नवरा-बयकोच्या बाबतीत दोघंही दुरवर पसरलेल्या आपल्या सर्व मित्र परिवार, सगेसोयरे यांच्याशी संवाद साधण्यात मग्न असतात,

पण शेजारी बसलेल्या आपल्या जिवलगाला सहवास द्यायला मात्र एकमेकांना वेळ नसतो.

खरच, मला तर सगळंच चित्र अवघड दिसतय भविष्याच. कसे हे जग गुण्यागोविंदाने नांदणार?

कशी ही नवीन पिढी नाते संबंध संभाळणार.

म्हणूनच मी विनंती करतो, "हे मानवा Technology च्या इतका अाहारी जाऊ नकोस. हे science

फक्त तुझ्या सोयीसाठी आहे, पण सुख मात्र तुला तुझे प्रियजणच देणार आहेत."

तेव्हा माझा वापर ही गरजे पुरताच करावास असच मला वाटतय. जगात कितीही Technology आली, तरी माणूस माणसामुळेच सुखी होतो हे लक्षात ठेव.

तेव्हा तुला माझी मना पासून कळकळीची विनंती ...

मी आहे बहुउपयोगी म्हणून

करु नकोस अतिरेकी वापर

संयम आणि समन्वय गाठून

कर आयुष्याचं सार्थक..

Thank U.

Answer 2

Answer:

Here is your answer

Explanation:

“हॅलो, हॅलो ! मी मोबाईल बोलतोय ! मी तुमचा लाडका मोबाईल ! आज मी बेहद्द खूश आहे बरं का ? तुमची माझी किती दोस्ती आहे, हे तुम्हांला मी सांगण्याची गरजच नाही. या दोस्तीमुळे मी आनंदी झालो होतो. पण काहीसा खट्टूही झालो होतो. सगळीकडून माझ्यावर दोषारोप व्हायचे. मी मुलांना बिघडवतोय. थोरांना नादाला लावतोय. उपयोग कमी आणि कोडकौतुक फार, असे अनेक आरोप माझ्यावर होत होते.

'“तसं पाहिलं, तर काही अंशी ते खरेच होते. मुलं अभ्यास किंबा महत्त्वाची कामं सोडून माझ्याशी खेळत बसायचे. अनेकदा तर माझ्या जवळच्या खेळांमध्ये बुडून जायचे. मोठी माणसेही माझा दुरुपयोग करीत होतीच. तासन्‌तास गप्पा मारणे, निरर्थक एसेमेस पाठवणे हे सर्रास चाले. रस्त्याने चालताना किंवा गाडी चालवताना माझ्या साहाय्याने बोलण्यामुळे अनेकदा गंभीर प्रसंग उद्भवले आहेत. मला कानाशी लावून रस्ता ओलांडताना किंवा रेल्वे रूळ ओलांडताना काहीजणांनी प्राण गमावले आहेत. काहीजणांनी अनेकांची बेअब्रू करण्यासाठी माझा वापर केला आहे. या सर्व बाबींमुळे माझी बदनामी खूप झाली. त्यामुळे मी दुःखी होतो. यात माझा काहीही दोष नव्हता, माझा वापर करणाऱ्यांचा मूर्खपणा याला कारणीभूत होता. तरीही मी आशावादी होतो. एक दिवस सत्य बाहेर येईल व माझी उपयुक्तता सिद्ध होईल, असा मला विश्‍वास वाटत होता. तसेच झाले.

“मित्रांनो, माझे किती उपयोग सांगू ? फेसबुकबद्‌दल तर मी तुम्हांला काही सांगण्याची गरजच नाही. आपल्या सर्व गुजगोष्टी मित्रमंडळींशी फेसबुकद्वारे तुम्ही करू शकता. अनेकांनी व्यवसायासाठी, राजकौय व सामाजिक प्रचारासाठी फेसबुकचा उत्तम उपयोग केला आहे. काही मोठे गुन्हे फेसबुकमुळे उघडकीला आले आहेत. फेसबुकप्रमाणे यु-ट्यूब, टम्बलर, पिंट्रेस्ट, लिक्‍इन यांसारख्या संकेतस्थळांचा वापरही उपयोगी ठरला आहे. आता तर 'व्हॉट्स्‌अऑप' हे अप्लीकेशन खूपच लोकप्रिय होत चालले आहे.

“तुम्ही तुमचे कागदपत्र, फोटो, व्हिडिओ स्वतःच जतन करू शकता, पाठवू शकता. इतके नव्हे, तर स्वतःच स्वतःचा चित्रपट तयार करू शकता. नोकरीसाठी आपण आपली माहिती पाठवतो, तशी माहिती तुम्ही स्वतःच कथन करतानाचे चित्रीकरण करून पाठवू शकता.

“ माझा उपयोग होऊ शकत नाही, अशा कामांची यादी करायची झाल्यास ती अगदी सहज शक्‍य आहे. कारण ती खूपच लहान असेल. “*तुम्हांला माहीत आहे का ? तुमच्या बँक खात्यात पैसे भरले, त्यातून काढले किंवा त्या खात्याशी संबंधित कोणताही व्यवहार घडल्यास त्याची बातमी मी तुम्हांला तत्क्षणीच पोहोचवतो. एवढेच नव्हे, तर तुम्हांला तुमच्या खात्यातून कोणालाही पैसे देण्यास मदत करू शकतो. हॉटेले, दुकाने यांना तर बिलांचे पैसे द्यायला मदत होतेच. पण अगदी रस्त्यावरच्या भाजीवाल्याचे पैसे द्यायलाही माझी मदत होऊ शकते. आता माझ्यामुळे तुमची बँक तुमच्या खिशात असेल. देशाच्या अर्थव्यवस्थेवर केवढा मोठा परिणाम होणार आहे, ते लक्षात घ्या.

मित्रांनो, खरं तर यावर मी तासन्‌तास बोलू शकतो. पण आज एवढं पुरे !'

Hope this will help u