Question

मंगोलिकता ची थोडक्यात माहिती लिहा

Answer 1

Explanation:

गुणसूत्रांतील अपसामान्यतेमुळे किंवा जनुकांमधील उत्परिवर्तनामुळे निर्माण झालेले आजार म्हणजे आनुवंशिक विकृती. गुणसूत्रांच्या संख्येत किंवा संरचनेत बदल झाल्याने या विकृती उद्भवतात आणि शरीराच्या कार्यात बिघाड होतो. दुभंगलेले ओठ, वर्णकहीनता यांसारखी शारीरिक व्यंगे आणि सिकल सेल अ‍ॅनेमिया, हिमोफिलिया यांसारखे शरीरक्रियांतील दोष ही आनुवंशिक विकृतीची काही उदाहरणे आहेत.

माणसात ४६ गुणसूत्रे ही २३ जोड्यांच्या स्वरूपात असतात. गुणसूत्रांच्या जोड्यांचा आकार आणि आकारमान यांत विविधता असते. या जोड्यांना अनुक्रमांक दिलेले आहेत. गुणसूत्रांच्या २३ जोड्यांपैकी २२ जोड्या अलिंगी गुणसूत्रांच्या असतात, तर १ जोडी लिंग गुणसूत्राची असते. स्त्रियांमधील ही गुणसूत्रे ४४+XX (2n) अशी दाखवतात, तर पुरुषांमधील ४४+XY(2n) अशी दाखवतात.

योहान मेंडेल यांनी आपल्या प्रयोगात कारकांचे म्हणजे जनुकांचे दोन प्रकार उदधृत केले आहेत. त्यासाठी त्यांनी डॉमिनंट (प्रभावी) आणि रेसेसिव्ह (अप्रभावी) असे शब्द वापरले आहेत. मानवी पेशीतील गुणसूत्रांची संख्या, त्यांचे लिंगसापेक्ष प्रकार, त्यावर असणार्‍या जनुकांचे प्रकार (प्रभावीपणा किंवा अप्रभावीपणा) या बाबी विचारात घेतल्या तर आनुवंशिक विकृती कशा उद्भवतात आणि त्यांचे संक्रमण कसे होते, हे लक्षात येते.