प्र.
प्र. ५. अचानक आलेल्या पावसामुळे दिवाळीत तुम्ही केलेल्या तयारीचे कोणकोणते नुकसान होते ते
चार-पाच वाक्यांत लिहा.
Answers
Answer:
दिवाळी अवघ्या आठवड्यावर आली असली तरी पाऊस काही थांबण्याचे नाव घेत नाही. नेमक्या वीकेंडला विजेच्या कडकडाटासह सरी कोसळत असल्याने त्याचे सावट दिवाळीच्या खरेदीवर दिसू लागले आहे. त्यामुळे ग्राहकांसह व्यापारी वर्गही चिंतेत दिसून येत आहे. किमान पुढच्या शनिवार-रविवारी अशी स्थिती राहू नये, अशी आशा व्यापारी बाळगून आहेत.
राज्यात यावर्षी सरासरीपेक्षा जास्त पावसाची नोंद झाली आहे. सप्टेंबर महिना उलटून ऑक्टोबरचा पहिला आठवडाही गेला आहे. तरीसुद्धा पाऊस सुरूच आहे. गेल्या आठवड्यात नवरात्रोत्सवात मोठ्या प्रमाणात पाऊस झाला. यानिमित्त आयोजित करण्यात आलेल्या रास दांडिया व अन्य कार्यक्रम करताना आयोजकांची तारांबळ उडाली. त्यानंतर वरुणराजा परतेल, अशी आशा सर्वजण व्यक्त करीत होते. परंतु शनिवार आणि रविवारी ठाणे, कल्याण, पनवेलमध्ये सायंकाळच्या सुमारास पावसाने जोरदार हजेरी लावली. शनिवारी तर पावसाने सर्वत्र पाणी पाणी केल्याने अनेकांना बाहेर पडता आले नाही.
दीपावलीचा सण काही दिवसांवर आला आहे. यानिमित्ताने कपडे, फराळाचे साहित्य, दागिने, फर्निचर, इलेक्ट्रॉनिक्स तसेच अन्य वस्तूंची खरेदी केली जाते. दीपावलीच्या अगोदर वीकेंडला बाजारपेठेत गर्दी असते. यंदाही कपड्यांसह अन्य दुकाने ग्राहकांनी सजली आहेत. दुकानदारांनी ग्राहकांना आकर्षित करण्यासाठी अनेक ऑफर दिल्या आहेत. विशेष करून कपड्याच्या दुकानांमध्ये सेल लावण्यात आला आहे. १९ ऑक्टोबरला दिवाळी असल्याने आतापासूनच खरेदीचा बेत अनेकांनी आखला आहे. शनिवार आणि रविवारी सुट्टी असल्याने या दिवशी सायंकाळी कुटुंबासह खरेदीला जाण्याचे नियोजन अनेक कुटुंबांमध्ये झाले होते. पावसाने मात्र दोनही दिवस खरेदीच्या मूडवर पाणी फिरवले. दोनही दिवस पनवेल परिसरात विजेच्या कडकडाटासह पाऊस झाल्याने अनेकांनी घरातून बाहेर न पडणे पसंत केले. कापड बाजारात फारशी गर्दी आढळून आली नाही. पनवेलमध्ये सराफी पेढ्यासुद्धा थंड दिसून आल्या. इलेक्ट्रॉनिक्स वस्तूंच्या दुकानातही शनिवार आणि रविवारी फारसे ग्राहक दिसले नाहीत.
दिवाळीच्या एक-दोन दिवस अगोदर मार्केटमध्ये मोठी गर्दी असते. त्यावेळी दुकानातसुद्धा डोके वर काढता येत नाही. म्हणून आम्ही या रविवारी दिवाळीच्या खरेदीसाठी मार्केटमध्ये जाण्याचा बेत आखला होता. परंतु पाऊस आल्याने आम्हाला खरेदी करता आली नाही. आता पुढच्या रविवारीच नियोजन करावे लागेल.