Question

Pariksha nasti tar essay in marathi​

Answer 1

Answer:

hey here is your answer

नुसता विचारही किती सुखावह आहे.. “परीक्षा नसत्या तर??”. शालेय जिवनात विद्यार्थी कित्तेक परीक्षांना सामोरे जात असतो. चाचणी परीक्षा, सहामही परीक्षा, वार्षीक परीक्षा ह्या तर नेहमीच्या झाल्याच पण त्याचबरोबर तोंडी परीक्षा, पाठांतर परीक्षा, विज्ञान प्रयोगाच्या परीक्षा, हस्तव्यवसाय, चित्रकला, पि.टी. एक ना दोन असंख्य परीक्षांचा भडीमार चालु असतो वर्षभर. शिकतो म्हणुन परीक्षा असतात का परीक्षा आहेत म्हणुन शिकतो असा प्रश्न मनामध्ये तरळुन जातो.

परीक्षांचे वेळापत्रक लागले आणि जसजसे परीक्षांचे दिवस जवळ यायला लागले की सारं वातावरणच बदलुन जाते. विषेशतः वार्षीक परीक्षा. घरातला दुरदर्शन बघणे तसेही अशक्यच असते, ह्या काळात तर तो दुरदर्शनचा आवाजही ऐकु येत नाही. खेळाची मैदाने ओस पडलेली असतात. बाहेर पानगळतीचा हृतु चालु झालेला असतो. कोपऱ्या कोपऱ्यावर उसाची गुऱ्हाळ असतात. शाळेत वाचनलयातुन एखादे पुस्तक आणावे म्हणुन चक्कर मारावी तर शाळाही ओसच असतात. एखादा दुसरा मित्र भेटतो पण त्याच्याही चेहऱ्यावर परीक्षांचे ओझे दिसत असतेच.

अश्या ह्या परीक्षाच बंद झाल्या तर कित्ती मज्जा येईल. सगळीकडे आनंदी आनंद पसरेल. परीक्षांच्या चिंता नाहीत, वेळापत्रकांचे ओझे नाही, अभ्यासाची कटकट नाही. परीक्षा नाहीत तर गुण नाहीत, टक्केवारी नाही, पास/नापास व्हायची चिंता नाही. कुणी ‘हुशार’ कुणी ‘ढ’ असा भेदभावच होणार नाही. शालेय जिवनाची सर्व संकृतीच बदलुन जाईल.

पण.. परीक्षा नाही झाल्या, सगळेच पास झाले तर खऱ्या गुणवत्तेचा कस कसा लागणार? शाळा-कॉलेजातुन बाहेर पडल्यावर जेंव्हा आपण आयुष्यातील खऱ्या परीक्षेला सामोरे जाऊ तेंव्हा आपले हात-पाय थरथरायला लागतील कारण त्यावेळेस परीक्षांना सामोरे जायला आपण तयार नसु. परीक्षा नसेल तर आपण मिळवलेले ज्ञान आणि त्याचा समजलेला अर्थ हा चुक का बरोबर हे कसे समजणार? भारत देश्याला ‘विकसनशील’ देशापासुन ‘विकसीत’ देश अशी ओळख करुन घ्यायला गरज आहे खऱ्या गुणवंतांची. अश्या लोकांची जे लोक वेगवेगळ्या क्षेत्रात आपल्या कर्तुत्वाचा ठसा उमटवतील, भारत देश्याचे नाव जगाच्या नकाश्यावर ठळक करतील. परीक्षाच नाही झाल्या तर कदाचीत खरी गुणवत्ता झाकोळली जाईल. नाकर्त्या लोकांची नोकर्य़ांमध्ये भरती झाली तर त्या कंपनीची स्थीती खालावेलच पण अनुषंगाने भारत देशाची सुध्दा प्रगतीच्या मार्गावरील घौडदौड मंद होईल.

परीक्षाच नाही म्हणलं तर, शिक्षणाचे अंतीम ध्येयच नसले तर कश्याला कोण शिकेल आणि कश्याला कोण ज्ञानार्थी होईल?

परीक्षा हव्यातच. परीक्षा व्यक्तीला त्याची विद्या आणि त्याची बुध्दी अधीक तल्लख करायला भाग पाडतात. परीक्षा गुणवंत विद्यार्थ्यांना अधीकाअधीक ज्ञान मिळवण्यासाठी आणि मिळवलेले ज्ञान पुन्हा-पुन्हा पडताळुन पाहण्यासाठी भाग पाडतात. परीक्षा मनुष्याला आयुष्यात येणा़ऱ्या संकटांना सामोरे जाण्याचे बळ देतात.

त्यामुळे परीक्षा नसत्या तर हा विचार सुखावह असला तरी त्याचे परीणाम भावी आयुष्यात नक्कीच सुखावह नसतील.

hope it help u

Answer 2

परीक्षा नसती तर

परीक्षा नसत्या तर. असे विचार शालेय जीवनात आपल्याला किती वेळा पडला असेल याची आपण आता कल्पना केली तर आपल्याच विचारावर आपल्याला हसू येईल.

खरंच आज मी माझा अनुभव तुम्हाला सांगणार आहे. परीक्षा नसती तर काय झाले असते. हा विचार शाळेत शिकणाऱ्या मुलांच्या मनात नेहमी येतो. खासकरून त्या मुलांच्या ज्यांना अभ्यासात आवड नसते. किंवा त्या मुलांना ज्यांना अभ्यास करूनही कुठे तरी कमी पडतात.

मी यातील एका गटात स्वतःला समजत होते. तो म्हणजे कितीही अभ्यास केला तरी, नेमके परीक्षेच्या वेळी गोची व्हायची. घाबरून परीक्षेच्या दिवशी नेमके सर्व विसरून जायचे.

पेपर समोर आला कि, सर्व वाचलेले असूनही काहीही लिहता येत नाही याची कमी भासायची. असे का व्हायचे माहित नाही. पण परीक्षेची भीती नेहमीच मनात असायची.

परीक्षेचे प्रकार

शालेय जीवनात विद्यार्थाना कित्येक परीक्षांना सामोरे जावे लागते. जसे चाचणी परीक्षा, सहामही परीक्षा, वार्षीक परीक्षा ह्या तर नेहमीच्या झाल्याच पण त्याचबरोबर तोंडी परीक्षा, पाठांतर परीक्षा, विज्ञान प्रयोगाच्या परीक्षा, चित्रकला, पि.टी. परीक्षा अश्या असंख्य परीक्षांना मुलांना सामोरे जावे लागते.

परीक्षा संपल्यावर विद्यार्थ्यांना दिलासा वाटतो. परीक्षा नसत्या तर एखादी व्यक्ती शिकेले असते परंतु आनंद होऊन. मुलांना परीक्षा पास करण्यास भाग पडू नका. आईन्स्टाईन सारखे वैज्ञानिक त्यांच्या परीक्षेत बर्यानच वेळा नापास झाले परंतु तरीही ते यशस्वी ठरले.

म्हणून आपल्याला मुलांकडून परीक्षा पास करण्यास भाग पाडण्याची गरज नाही. परीक्षा ऐकून, मुलांचा मनात येणारा त्वरित विचार कठोर अभ्यास असतो. कधीकधी एखाद्याची अशी इच्छा असते की कोणतीही परीक्षा नसावी जेणेकरुन हे तणावपूर्ण क्षण येऊ नयेत.

परीक्षा न झाल्यास त्याचे काय परिणाम होतील?

विद्यार्थी आनंदित होतील, परीक्षेची भीती, कठोर परिश्रम आणि निद्रिस्त रात्रींचा बोजा दूर होईल. परिक्षण किंवा चाचणी, त्याची माहिती शिक्षणास सुधारण्यासाठी आणि सुधारित करण्यासाठी आयोजित केली जाते.