Question

please help me to solve it​

Answer 1

९. उजाड उघडे माळरानही

स्वागत करण्या वसंत ऋतूचे

रंग उधळले दिशा-दिशांना,

बेरड काेरड इथली सृष्टी

घेऊन आली ती नजराणा ।।१।।

गर्द पोपटी लेऊन वसने

मुरडत आली लिंबोणी,

जर्द तांबडी कर्णफुलेही

घालून सजली नागफणी ।।२।।

लुसलुस पाने अंगोपांगी

झुले वड हा दंग होऊनी,

दुरंगी चुनरीत उभी ही

घाणेरी ही नटुनी थटुनी ।।३।।

सळसळ झळझळ पिंपळ पाने

मऊ मुलायम मोरपिसापरी,

सांबर लाल कळ्यांनी लखडून

उभे स्वागता पाणंदीवरी ।।४।।

पळसफुले ही बहरून आली

या मातीच्या अंकावरती,

कुसुमे सारी या जगातली

पाहून त्यांना मनात झुरती ।।५।।

आंब्याच्या मोहरातून आली

कोकिळेची सुरेल तान,

उजाड उघडे माळरानही

गाऊ लागले वसंतगान ।।६।।