ആസ്വാദനക്കുറിപ്പ് pls tell emergency
Answers
Explanation:
ഞങ്ങളുടെ മുത്തശ്ശി
നിങ്ങള്‍ക്കുള്ളതുപോലെന്‍ നാട്ടില്‍
ഞങ്ങള്‍ക്കു~ൊരു മുത്തശ്ശി!
കഥപറയാറു,~ന്തിക്കോരോ
കവിതകള്‍ മാനത്തുലയുമ്പോള്‍
വെള്ളരിയുടെ മലര്‍മൊട്ടുകള്‍ മഞ്ഞ-
പ്പുള്ളികള്‍ കുത്തിയ പാടത്തില്‍,
നീലക്കറുകക, ളണിമുക്കുറ്റികള്‍
ചേലവിരിച്ച വരമ്പിന്‍മേല്‍,
കൂടും ഞങ്ങള്‍ മുത്തശ്ശിയുമായ്
കൂലിക്കാരുടെ കഥപറയാന്‍!
(വയലാര്‍ രാമവര്‍മ്മ)
♦️ ഞങ്ങളുടെ മുത്തശ്ശി എന്ന കവിതയുടെ ആസ്വാദനം
അധ്വാനത്തിന്റെ മഹത്ത്വം
മനുഷ്യശേഷിയിലും മനുഷ്യന്റെ അധ്വാനത്തിലും അഭിമാനം കൊ~ിരുന്ന കവിയാണ് വയലാര്‍ രാമവര്‍മ്മ. അദ്ദേഹം എന്നും അധ്വാനിക്കുന്നവരുടെ പക്ഷത്തായിരുന്നു. അവരുടെ ജീവിതമാണ് അദ്ദേഹത്തെ പ്രചോദിപ്പിച്ചിരുന്നത്. 'ഞങ്ങളുടെ മുത്തശ്ശി' എന്ന കവിതയും ഇതില്‍നിന്ന് വ്യത്യസ്തമല്ല.
നിങ്ങള്‍ക്കുള്ളതുപോലെ തന്റെ നാട്ടിലും ഒരു മുത്തശ്ശിയു~െന്ന് കവി പറയുന്നു. സന്ധ്യയ്ക്ക് ആ മുത്തശ്ശി ഓരോ കഥകള്‍ പറയാറു~്. വെള്ളരിയുടെ പൂമൊട്ടുകള്‍ മഞ്ഞപ്പുള്ളികള്‍ കുത്തിയ പാടത്തില്‍, നീലക്കറുകകളും മുക്കുറ്റികളും ചേലവിരിച്ചതുപോലെയുള്ള വരമ്പിലിരുന്ന് മുത്തശ്ശി കൂലിക്കാരുടെ കഥകള്‍ ഞങ്ങളോട് പറയും. ഈ കഥ കേള്‍ക്കാന്‍ തങ്ങള്‍ മുത്തശ്ശിക്കു ചുറ്റും കൂടുമെന്നും കവി പറയുന്നു. അധ്വനിക്കുന്നവരുടെ കഥ കേള്‍ക്കാനുള്ള കവിയുടെ താല്‍പ്പര്യമാണ് ഇവിടെ തെളിയുന്നത്. ഗ്രാമ്യഭംഗി തുളുമ്പിനില്‍ക്കുന്ന ഈ കവിതയിലെ വാക്കുകള്‍ ഓരോന്നും അതിന്റെ ലാളിത്യംകൊ~് അതിമനോഹരങ്ങളാണ്. കൂടാതെ വരികളില്‍ ആവര്‍ത്തിച്ചുവരുന്ന അക്ഷരങ്ങള്‍ കവിതയ്ക്ക് നല്‍കുന്ന ശബ്ദഭംഗിയും ശ്രദ്ധേയമാണ്. കവിതകള്‍ മാനത്തുലയുന്ന സന്ധ്യ, വെള്ളരിയുടെ പൂമൊട്ടുകള്‍ മഞ്ഞപ്പുള്ളികള്‍ കുത്തിയ പാടം, നീലക്കറുകകളും മുക്കുറ്റികളും ചേല വിരിച്ച വരമ്പ് തുടങ്ങിയ കവിതയിലെ പ്രയോഗങ്ങള്‍ വളരെ മനോഹരമായിരിക്കുന്നു.
'കഥപറയാറു,~ന്തിക്കോരോ
കവിതകള്‍ മാനത്തുലയുമ്പോള്‍' എന്ന വരികളാണ് എനിക്ക് ഏറ്റവുമധികം ഇഷ്ടമായത്. ഇതിലെ കവിത വിരിയുന്ന മാനം എന്ന കല്പന വളരെയധികം ആകര്‍ഷകമാണ്.
അധ്വാനിക്കുന്നവരോടുള്ള കവിയുടെ മനോഭാവമാണ് കവിതയില്‍ തെളിയുന്നത്. കവിയുടെ നാട്ടിലെ മുത്തശ്ശി പറയുന്നത് വെറും കെട്ടുകഥകളോ നേരംപോക്കുകളോ അല്ല; കൂലിക്കാരുടെ കഥകളാണ്. ഇവിടെ കഠിനാധ്വാനം ചെയ്യുന്ന സാധാരണതൊഴിലാളികളുടെ പക്ഷത്താണ് താനെന്ന് കവി അടിവരയിട്ട് പറയുന്നു. അവരാണ് ഈ ലോകത്തിന്റെ യഥാര്‍ഥ ശില്പികള്‍. ലളിതമായ വാക്കുകളിലൂടെ വളരെ വലിയൊരാശയമാണ് കവിപകര്‍ന്നുതരുന്നത്.
.....................................................................................