शालेने लेखकांना दीलेली शिदोरी
Answers
Explanation:
लॉकडाउनमुळे सतत बाहेरचे जंक फूड खाण्यास आपोआप निर्बंध लागला आणि घरची डाळ भात, भाजी भाकरी गोड लागू लागली. सततच्या फास्ट फूड खाण्याने स्थूलता ही समस्या लहान मोठे सर्वांमध्ये गंभीर होताना दिसत आहे. त्यासोबत अनेक आजारांना निमंत्रण मिळते. शाळेच्या डब्याला थंडगार मॅगी खाण्याचा हट्ट करणारी मुले आणि त्यांचे हट्ट पुरविणारे पालक यांनाही पर्याय नसल्याने घरच्या जेवणाची गोडी समजली असणार, तेव्हा या पुढेही फास्ट फूड जंक फूड, बाहेरचे जेवण हा पर्याय जमेल तितका दूर ठेवू तितकाच आरोग्याला फायदाही होणार आहे. लॉकडाउनमुळे वाहने थांबली होती, कारखाने बंद होते, त्यामुळे हवा व पाण्याचे प्रदूषण या मोठ्या समस्याही काही प्रमाणात कमी झाल्या. निसर्गाप्रती कृतज्ञ राहून असाच काहीसा लॉकडाउन दर महिन्यातून काही दिवस सर्वांनी एकजुटीने पाळला, तर ग्लोबल वॉर्मिंगसारख्या प्रश्नावरही तोडगा मिळू शकेल.
मृत्यू दारात आल्याची भीती सर्वांनाच होती, तरीही सुरक्षित वावर पाळत नातेसंबंध, मैत्री आणि माणुसकी जपणारी अनेक उदाहरणे बघण्यास मिळाली. सुट्टीत गावाकडे जाणे टाळणाऱ्या, शहरी संस्कृतीची ओढ असणाऱ्यांना मुलाबाळांसह गावाकडेच धाव घ्यावी लागली. याची जाणीव कायम ठेवून महिन्यातून एकदा गावाकडे जाण्याची सवय आता आपण करायला हवी. अनेक प्रकारच्या व्यसनांपासून प्रयत्न करूनही मुक्ती मिळत नसताना, सक्तीच्या लॉकडाउन काळात न सांगता अनेकांचे व्यसन मागे पडले. तेव्हा कायमच व्यसनापासून दूर राहून निरोगी जीवन जगण्यास अनेकांना मदत होणार आहे. माणूस हा सवयीचा गुलाम असला, तरीही सवय हे सुटू शकते हे करोना लॉकडाउनने सिद्ध केले.
अनेकदा कामाच्या धावपळीत, ताणतणावात स्वतःकडे लक्ष देणे, स्वतःला जपणे आपण विसरूनच जातो; परंतु हाताशी अचानक एवढा रिकामा वेळ आला आणि आपण सर्वांसोबतच स्वतःचाही विचार करू लागलो. स्वतःलाच अंतर्बाह्य निरखू लागलो. अनेकांमध्ये दडलेले लेखक, कवी, चित्रकार, गायक, संगीतकार जागे होऊन लीलया आकार घेऊ लागले. 'बिगेन अगेन'चा काळ सुरू झालेला असला, तरीही आपल्या या चांगल्या सवयीचा आनंद कायम टिकविण्याचा आवर्जून प्रयत्न करायला हवा. 'बिगेन अगेन'मध्ये पाऊल ठेवण्यापूर्वी, लॉकडाउनने शिकविलेल्या नव्या गोष्टी, दिलेल्या नव्या अनुभवांची शिदोरी सोबत घेऊन डोळसपणे, विचार करून मगच पुढे जाण्याचा विचार आपण सगळे करू या.