Question

शाळेत साजरा झालेल्या स्वातंत्र्य दिनाची बातमी लिहा

Answer 1

Answer:

७०व्या स्वातंत्र्यदिनाच्या निमित्ताने सोमवारी सरकारी इमारती, शाळा, महाविद्यालये तसेच खासगी गृहसंकुलांमध्येही स्वतंत्र भारताचा सन्मान करत ध्वजारोहण करण्यात आले. स्वातंत्र्याची जाणीव मनात अधिकच अधोरेखित करणारा हा तिरंगा सूर्यास्तापर्यंत ठिकठिकाणी डौलाने फडकत होता. अनेकांच्या कपड्यांवर, गाड्यांच्या डॅशबोर्डवर, खिडक्यांच्या गजावरही तो दिमाखाने विराजमान झाला होता.

अनेक ठिकाणी सकाळपासून देशभक्तीपर गीते लावण्यात आली होती. येणाऱ्या पिढ्यांना स्वातंत्र्यासाठी आधीच्या पिढ्यांनी नेमकी काय किंमत मोजली याची जाणीव या निमित्ताने करून दिली गेली. काही ठिकाणी कार रॅली, बाईक रॅलींचे आयोजन करण्यात आले होते. ‘भारतमाता की जय’ असे नारे देत झेंडे फडकवले जात होते. या निमित्ताने काही ठिकाणी सांस्कृतिक कार्यक्रमही सादर करण्यात आले. विद्यार्थ्यांनी राष्ट्रभक्तीची भावना चेतवणारी समूहगीते सादर केली.

राष्ट्रभक्ती समितीच्या वतीने शिवाजी पार्क येथे आयोजित स्वातंत्र्यदिन महोत्सवामध्ये विद्यार्थ्यांनी शौर्यगुणांचे प्रदर्शन केले. दांडपट्टा, मल्लखांब, सायकलवरून केलेले स्टंट्स यांचा यात समावेश होता. त्याचबरोबर बँडपथकांनीही मानवंदना दिली.

स्वातंत्र्यदिन सोहळ्याच्या निमित्ताने विविध ठिकाणी आरोग्य शिबीरे, रक्तदान शिबिरांचे आयोजन करण्यात आले होते. चारकोप कांदिवली येथील सह्याद्री नगर डी-२ सार्वजनिक उत्सव मंडळ व मालाड येथील सुप्रसिद्ध डॉक्टर जुगल शाह माँ नर्सिंग होम यांच्या संयुक्त विद्यमाने मोफत डोळे तपासणी शिबिराचे आयोजन केले होते. यामध्ये सुमारे २५० नागरिकांनी डोळे तपासणी केली आणि ७० जणांना मोफत चष्मावाटप करण्यात आले. आरोग्यपूर्ण जीवन, चांगल्या पर्यावरणात, वातावरणात जगण्याचा हक्क हेसुद्धा स्वातंत्र्य या संकल्पनेचे इतर पैलू आहेत याची जाणीवही या निमित्ताने करून देण्यात आली.

and give or mark as Brainlist answer

Byy