Question

शेतकरी जगाचा पोशिंदा ​

Answer 1

“एक फटका कुंचल्याचा बसलाच पाहिजे,

वळ माझ्या शेतकऱ्याचा दिसलाच पाहिजे!”

खऱ्या अर्थानं ज्याच्या जीवावर देशाची अर्थव्यवस्था बळकट होऊन उभी आहे, त्याच माझ्या शेतकऱ्याच्या घरात मात्र सदानकदा अंधार दाटून येतो, आलेली दिवाळी त्याच दिवाळ काढल्याशिवाय राहत नाही, कर्ज दिलेला सावकार शेतकऱ्याला विकत घेतल्याचा आव आणतो, नेत्यांची भाषणं शेतकऱ्यांना दिलेल्या पोकळ आश्वासनांनी गाजून जातात आणि लेकीचं लग्न करायला हातात पैसा उरला नाही म्हणून सातबाऱ्याच्या कागदावर मालक असलेला शेतकरी मात्र गळ्याला फास लावून आत्महत्या करतो…अरे लॉकडाऊन मध्ये विकलेल्या दारूच्या बळावर नाही, घरात खायला तुकडे नसतानाही तो उभ्या जगाचं पोट भरतो त्याच माझ्या शेतकऱ्याच्या गेलेल्या बळीवर आमच्या देशाची अर्थव्यवस्था आजही ताठ उभी आहे….!!