Question

speech on ' covid 19che paridam' in marathi​

Answer 1

वातावरणात होणाऱ्या बदलामुळे सर्दी, खोकला आणि ताप येणे सामान्य बाब आहे. पण करोना व्हायरसच्या (Covid 19) प्रादुर्भावामुळे सध्या नागरिकांमध्ये भीतीचे वातावरण पाहायला मिळत आहे. या व्हायरसपासून स्वतःचा बचाव करण्यासाठी प्रत्येक जण सावधगिरी बाळगत आहेत. पण सर्दी, शिंका, खोकल्याचा त्रास झाल्यास लोक आता अधिक चिंताग्रस्त होत आहेत.

कारण करोना (Coronavirus Update) रुग्णांमध्येही सर्दी, खोकला, ताप, शिंका येणे इत्यादी लक्षणे आढळत आहेत. यामुळेच नागरिकांच्या काळजीमध्ये भर पडली आहे. पण जर तुम्ही योग्य प्रकारे स्वच्छता आणि सोशल डिस्टन्सिंगच्या नियमांचं पालन केलं तर करोना विषाणू तुमच्या आसपासही फिरणार नाही. घराबाहेर पडताना आणि बाहेरुन घरी आल्यानंतर काही गोष्टींची योग्य ती काळजी घेतली तर करोनाला तुम्ही दूर ठेवू शकता.

सार्वजनिक ठिकाणी वावरताना दरवाजे, लिफ्ट तसंच टॉयलेटचं नॉब किंवा दरवाज्यांपासून सर्वाधिक धोका असतो. यामुळे करोनाचा फैलाव होण्याची शक्यता जास्त आहे. करोनाचा संसर्ग टाळण्यासाठी अशा वेळेस खबरदारी घ्यावी. एखाद्या संशयास्पद वस्तूला स्पर्श केल्यानंतर लगेचच हात धुवावे किंवा आवश्यकता नसल्यास सार्वजनिक ठिकाणी असलेल्या वस्तूंना स्पर्श करणं टाळावे. घराबाहेर पडताना हात मोजे (Hand Gloves) आणि मास्कचा वापर करावा.

बस किंवा ट्रेनमधून प्रवास करताना चेहऱ्यावर मास्क लावणे गरजेचं आहे. सार्वजनिक ठिकाणी असताना चेहऱ्यावर मास्क लावला नाही तर करोनाचा संसर्ग होण्याची शक्यता आहे. शिंकणाऱ्या तसंच खोकणाऱ्या व्यक्तींपासून दूरच राहा. सोशल डिस्टन्सिंगच्या नियमांचं पालन करा. उघड्यावरचे पदार्थ देखील खाऊ नका.