देशात अपंग पुनर्वसन केंद्र कुठे कुठे आहे
Answers
Explanation:
सहा वर्षांच्या प्रतिक्षेनंतर केंद्र सुरू; दिव्यांगांना दिलासा
म. टा. प्रतिनिधी, नगर
दिव्यांगांसाठी सुरू करण्यात येणाऱ्या अपंग पुनर्वसन केंद्राचे काम तब्बल सहा वर्षांपासून रखडले होते. आता मात्र, सर्व अडचणी मिटल्याने नगर जिल्ह्यासाठीचे अपंग पुनर्वसन केंद्र शहरानजीक विळद घाट येथील डॉ. विठ्ठलराव विखे पाटील फाउंडेशन येथे सुरू करण्यात आले आहे. या ठिकाणी दिव्यांगांना विविध सुविधांसह उपचारही मिळणार आहेत. नगर जिल्ह्यातील दिव्यांगांना यामुळे दिलासा मिळणार आहे.
राज्यातील प्रत्येक जिल्ह्यात अपंग पुनर्वसन केंद्र सुरू करण्याची घोषणा २०१२ मध्येच झाली होती. जिल्हा परिषदेच्या समाजकल्याण विभागाने जागा निश्चित करुन काम सुरू करणे अपेक्षित होते. प्रत्यक्षात मात्र अधिकाऱ्यांनी पाठपुरावा केल्यानंतरही नगर शहरात केंद्रासाठी जागा मिळाली नाही. त्यानंतर शहरातील जिल्हा रुग्णालयाच्या आवारात जागा देण्यासाठी रुग्णालयाकडे पाठपुरावा करण्यात आला. रुग्णालय प्रशासनाकडूनही यास सकारात्मक प्रतिसाद मिळाला. रुग्णालयाच्या आवारातच जागा दिली जाणार होती. पुढे मात्र नेहमीप्रमाणे याकडे दुर्लक्ष झाले. प्रशासनाने जागा देण्यास असमर्थता दर्शवली. त्यामुळे निधी असतानाही केवळ सरकारी पातळीवरील उदासीन कारभारामुळे केंद्र सुरू करता आले नाही. तरी देखील जिल्हा परिषदेने रुग्णालयातच केंद्र व्हावे यासाठी पाठपुरावा सुरू ठेवला होता. जिल्हा परिषदेच्या सर्वसाधारण सभेत ज्या वेळी या मुद्द्यावर चर्चा झाली. त्यावेळी मात्र सदस्यांनी केंद्र सिव्हील हॉस्पिटलमध्ये सुरू करण्यास विरोध केला. या रुग्णालयाची सध्याचीच अवस्था ठिक नाही. येथे रुग्णांवर उपचार करण्याकडेही दुर्लक्ष होते. अशा ठिकाणी मोठा निधी गुंतवून पुनर्वसन केंद्र सुरू करणे योग्य होणार नाही, असे मत सदस्यांनी व्यक्त केले होते. या रुग्णालया व्यतिरिक्त अन्य ठिकाणी केंद्र सुरू करण्यात यावे, असे सुचवण्यात आले.
कॉलेज मात्र रखडले