Tumchya shalet sajra zalela aashadhi ekadashi utsav prasang lekhan
Answers
विठुराया अन् आषाढीचे महत्त्व शहर परिसरातील शाळांमधील चिमुकल्यांनाही समजावे, या उद्देशाने सोमवारी विविध शाळांमध्ये आषाढी एकादशी साजरी करण्यात आली.
म. टा. प्रतिनिधी, नाशिक
आज, मंगळवारी (दि. ४) साजरी होत असलेल्या आषाढी एकादशीनिमित्त लाखो वारकरी, भाविक विठुरायाच्या दर्शनासाठी पंढरपूरला रवाना झाले आहेत. विठुराया अन् आषाढीचे महत्त्व शहर परिसरातील शाळांमधील चिमुकल्यांनाही समजावे, या उद्देशाने सोमवारी विविध शाळांमध्ये आषाढी एकादशी साजरी करण्यात आली. वृक्षदिंडी, रिंगण असे अनेक उपक्रम यावेळी राबविण्यात आले. चिमुकल्यांनी विठुनामाचा जयघोष करीत त्यात उत्स्फूर्त सहभाग नोंदवला.
बॉइज टाऊन स्कूल
बॉइज टाऊन शाळेच्या पटांगणात ज्ञानोबा-माऊलींच्या गजरात विलोभनीय दिंडी सोहळा साजरा करण्यात आला. चारशेपेक्षा जास्त विद्यार्थी या सोहळ्यात सहभागी झाले होते. सोहळ्याची सुरुवात ईश्वर काळे यांच्या कीर्तनाने करण्यात आली. वेगवेगळ्या अभंगांवर चिमुकल्या वारकऱ्यांनी ताल धरला होता. शाळेच्या माध्यमिक विभागाच्या मुख्याध्यापिका डॉ. स्वामिनी वाघ व शिक्षकवृंदाने फेर धरून, फुगड्या खेळून आनंद व्यक्त केला. या सोहळ्याचे सर्वांत मोठे आकर्षण म्हणजे ‘रिंगण’ अश्व मिरवणूक. पन्नासपेक्षा जास्त विद्यार्थी भगवा झेंडा हाती घेऊन यात सामील झाले होते, तर विद्यार्थिनी डोक्यावर तुळशी वृंदावन घेऊन सहभागी झाल्या होत्या. पावसाच्या रिमझिम सरींतला हा सोहळा पाण्यासाठी पालकवर्गही मोठ्या संख्येने उपस्थित होता. या सोहळ्याची पसायदानाने सांगता करण्यात आली.
--
वाघ गुरुजी शाळा
‘मविप्र’च्या शाळेतर्फे वृक्षदिंडी काढण्यात आली. विठ्ठल-रखूमाई, वारकऱ्यांच्या वेशभूषेतील विद्यार्थ्यांनी हाती टाळ घेत चंद्रभागेच्या तिरी, पाऊले चालती, विठ्ठलनामाची शाळा भरली... यांसारखी गीते व भजने विद्यार्थ्यांनी सादर केली. संगीतशिक्षक शेवाळे यांनी ईशस्तवन व स्वागतगीत सादर केले. उपस्थित मान्यवरांच्या हस्ते दीपप्रज्वलन, पालखीपूजन व विठ्ठलाची आरती झाली. सीमा भामरे यांनी आषाढी एकादशीची माहिती विद्यार्थ्यांना सांगितली. झाडे लावा, झाडे जगवा, वृक्ष लावा, मोक्ष मिळवा अशा विविध घोषणा देत वृक्षदिंडीतून चिमुकल्यांनी नागरिकांना झाडांचे महत्त्व पटवून दिले. मुख्याध्यापिका वनिता पाटील यांनी आभार मानले. कविता आगळे यांनी सूत्रसंचालन केले. मविप्रचे सेवक संचालक अशोक पिंगळे, नगरसेविका स्वाती भामरे व शालेय समितीचे सदस्य बी. एल. चव्हाण, माध्यमिक विभागाचे मुख्याध्यापक साळवे व प्राथमिक विभागाच्या मुख्याध्यापिका वनिता पाटील आदी उपस्थित होते.
--
रंगूबाई जुन्नरे शाळा
विठ्ठलाचा जयघोष करीत अन् अभंग सादर करीत नाशिक एज्युकेशन सोसायटीच्या शाळेच्या माँटेसरी विभागात आषाढी एकादशी साजरी करण्यात आली. विठ्ठल-रखूमाई, वारकरी अशा वेशभूषेतील विद्यार्थी दिंडीत सहभागी झाले होते. हातातील टाळ-चिपळ्यांचा गजर, मुखी विठ्ठलनाम यामुळे वातावरणात चैतन्य निर्माण झाले होते. मुख्याध्यापिका स्मिता वाळवेकर यांनी या कार्यक्रमासाठी मार्गदर्शन केले.
--
स्ट्रॉबेरी इंग्लिश स्कूल
पाथर्डी फाटा येथील शाळेत साक्षात अलंकापुरी अर्थात, पंढरपूर अवतीर्ण झाले होते. विठ्ठल-रखूमाई, वारकरी अशा वेगवेगळ्या पोशाखांतील विद्यार्थ्यांनी परिसरात काढलेली दिंडी अन् माउली माउलीचा जयघोष यामुळे चैतन्य अवतरले होते. विठ्ठल-रखूमाईच्या विधिवत पूजनानंतर विद्यार्थ्यांनी अभंग सादर केले. माउलीच्या जयघोषावर सर्वांनी ठेका धरला होता. शिक्षकांनी वारी, दिंडीचे महत्त्व विद्यार्थ्यांना सांगितले. मुख्यध्यापिका रिना गोविल, सायली काळे व शिक्षकवृंद उपस्थित होता.
--
वाल्मीकी टॉट्स शाळा
गंगापूररोडवरील प्री-प्रायमरी आणि प्रायमरी शाळेतर्फे दिंडी काढण्यात आली. विद्यार्थ्यांनी वारकऱ्यांची वेशभूषा केली होती. वृक्षवल्ली आम्हा सोयरे वनचरी या अभंगानुसार विद्यार्थ्यांना वृक्षांचे महत्त्व यावेळी सांगण्यात आले. शाळेच्या संचालिका सीमंतिनी कोकाटे, संस्थापिका सीमा कोकाटे, मुख्याध्यापिका मोनिका गोडबोले यांनी यावेळी मार्गदर्शन केले.
--
भगूर, देवळाली परिसर
देवळाली कॅम्प : आषाढी एकादशी व वृक्ष लागवड सप्ताहानिमित्त नूतन विद्यामंदिर, ओम साईराम सेवाभावी संस्था व भोर नर्सरीतर्फे भगूर शहरात प्रभात फेरी काढून वृक्ष लागवड व वृक्ष जोपासना करण्याचा संदेश येथील विद्यार्थ्यांनी दिला. मुख्याध्यापिका लता जोशी, तानाजी भोर यांच्या हस्ते वृक्षपूजन झाले. चिमुकल्यांनी हातात विविध प्रबोधनपर घोषवाक्यांचे फलक घेऊन पर्यावरण संवर्धनाचे महत्त्व सांगणाऱ्या घोषणा देत परिसरातून वृक्षदिंडी काढली. चिमुकल्यांनी केलेली वारकऱ्यांची वेशभूषा, तर नऊवारी साडीतील विद्यार्थिनींनी नागरिकांचे लक्ष वेधले. भगूरकरांतर्फे भाजपचे शहराध्यक्ष कैलास गायकवाड यांनी शिवाजी चौकात दिंडीचे स्वागत केले. दिंडीत अशोक बोराडे, बी. जे. शिंदे, नीलेश गोसावी, दीपक कोकणी, योगेश शेळके, विशाल शिरसाठ, शीतल जाधव आदींसह सर्व शिक्षक व कर्मचारी सहभागी झाले होते. वनश्री पुरस्कारप्राप्त तानाजी भोर यांनी विद्यार्थी व भगूरकरांना तुळशीच्या तीन हजार रोपांचे वाटप केले. दिनेश गोविल, नामदेव सूर्यवंशी, जितेंद्र पावशे आदींचे सहकार्य लाभले. देवळालीतील दर्शन अॅकॅडमी, सरस्वती विद्यामंदिर संचालित देवळाली हायस्कूल, मविप्र संचालित आदर्श शिशुविहार येथील विद्यार्थ्यांनीदेखील वृक्षदिंडी काढली.
undefined
नाशिक: सर्वाधिक वाचलेले
""'आम्हाला राणेंची काळजी वाटते, त्यांच्या मुलांनी त्यांना त्रास देऊ नये'
'आम्हाला राणेंची काळजी वाटते, त्यांच्या मुलांनी त्यांना त्रास देऊ नये'
नाशिकमध्ये भाजपला धक्का; माजी उपमहापौर शिवसेनेच्या वाटेवर
'३६ मंत्र्यांनी शहाण्याप्रमाणे यात्रा काढल्या, एक अतिशहाणा निघाला'
ते छत्रपती आहेत का?; फडणवीसांच्या टीकेला आता नाशिकच्या पोलीस आयुक्तांचे उत्तर
भाजप आक्रमक; मुख्यमंत्र्यांसह रश्मी ठाकरे यांच्यावर गुन्हा नोंदवण्याची मागणी
महाराष्ट्र टाइम्सवर घ्या बातम्यांचे लेटेस्ट अपडेट
आडगावात फ्लॅटधारकांना गंडा
महत्तवाचा लेख