Question

i want essay on gst in telugu language

Answer 1

వస్తు, సేవల పన్ను (జీఎస్టీ) శుక్రవారం అర్ధరాత్రి నుంచి అమల్లోకి వచ్చింది. పార్లమెంట్ సెంట్రల్ హాల్‌లో రాష్ట్రపతి ప్రణబ్ ముఖర్జీ, ప్రధాని నరేంద్ర మోదీతో కలిసి శుక్రవారం అర్ధరాత్రి జీఎస్టీని ఆవిష్కరించారు. భారత ఆర్థిక రంగంలో జీఎస్టీ సరికొత్త విప్లవమని ప్రణబ్ ముఖర్జీ అభివర్ణించారు. ​జీఎస్టీ దేశాన్ని ఏకతాటిపై కి తెచ్చే ప్రక్రియ అని ప్రధాని మోదీ అన్నారు. జీఎస్టీ అంటే గుడ్ అండ్ సింపుల్ ట్యాక్స్ అని చెప్పారు. కాగా, ఎన్డీఏ ప్రభుత్వం ఆధ్వర్యంలో గత రెండున్నరేళ్లుగా నలిగిన జీఎస్‌టీని ఎట్టకేలకు అమల్లోకి తీసుకొచ్చారు. అయితే దీన్ని కాంగ్రెస్ తీవ్రంగా వ్యతిరేకిస్తోంది. జీఎస్టీ తమాషా అంటూ ప్రచారం మొదలు పెట్టింది. జీఎస్టీ స్వాగత కార్యక్రమానికి కూడా కాంగ్రెస్‌తో పాటు వామపక్షాలు, ​తృణమూల్ కాంగ్రెస్, జేడీయూ, ఎస్పీ డుమ్మా కొట్టాయి.

చదవండి: ఫోన్ల అమ్మకాలపై జీఎస్టీ ప్రభావమెంత?

చదవండి: జీఎస్టీ.. ఏ వస్తువుపై ఎంత శాతం పన్ను?

జీఎస్‌టీ బిల్లు తెరపైకి వచ్చిన ప్రతిసారీ ఈ బిల్లు వల్ల ప్రజలు నష్టపోతారని ప్రతిపక్ష సభ్యులు వాదిస్తూ వచ్చారు. ఆ బిల్లును తిరిగి స్థాయీ సంఘానికి పంపి పున: పరిశీలించాలని ప్రధాన పతిపక్షం డిమాండ్ చేస్తూ వచ్చిన విషయం తెలిసిందే. దీంతో గత కొనాళ్లుగా ఈ బిల్లుపై ప్రతిష్ఠంభన నెలకొంది. దీంతో ప్రతిపక్షాల విమర్శలు, రాష్ట్రాల అభ్యంతరాలను పరిగణనలోకి తీసుకొన్న కేంద్రం ఈ బిల్లులో స్వల్ప మార్పులు చేసింది. అనంతరం బుధవారం రాజ్యసభలో ప్రవేశపెట్టడం.. దీన్ని ప్రతిపక్షాలు స్వాగతించడంతో బిల్లు ఆమోదం పొందటం సులువైంది.



చదవండి: జీఎస్టీ అమల్లోకి వచ్చాక వీటిపై పన్ను తగ్గుతుంది!

ఇంతగా ప్రాధాన్యం కల్గిన బిల్లు కథేంటో ఒక్క సారి తెలుసుకుందాం..జీఎస్‌టీ బిల్లు అంటే ఏంటి ..దీని వల్ల రాష్ట్రాలకు లాభమా నష్టమా ..దీనిపై కేంద్ర వివరణేంటి ..? రాష్ట్రాలకున్న అభ్యంతరాలేంటి .? దీనిపై కేంద్ర ఆర్ధిక మంత్రి ఇచ్చిన భరోసా ఏంటి ? ఇలా సందేహాలెన్నో మనల్ని కలవర పెడుతున్నాయి.. అయితే దీనిపై విశ్లేషకులు ఇస్తున్న వివరణ ఒకసారి పరిశీలిద్దాం...

చదవండి: క్రికెట్ మ్యాచ్ టికెట్లపైనా బాదుడే!

"వస్తు సేవా పన్ను" ( జీఎస్‌టీ ) అంటే ?

పాత పన్నుల పద్దతి ప్రకారం ఒక్కో రాష్ట్రం ఒక్కో విధంగా పన్నులు వసూలు చేస్తున్నాయి. కానీ జీఎస్టీ బిల్లు ద్వారా ఇప్పటి నుంచి దేశ వ్యాప్తంగా ఒకే రకమైన పన్ను చెల్లించాల్సి ఉంటుంది. దీని వల్ల వినియోగదారుడికి వ్యయం తగ్గే అవకాశముంది.. అంతే కాదు స్థూల జాతీయోత్పత్తి కూడా 1.0 నుంచి 1.7 శాతం వరకు పెరిగి అవకాశముందని ఆర్ధిక విశ్లేషకులు అంచనా వేస్తున్నారు.