me kridaangan bolto essay in marathi
Answers
Explanation:
मी क्रिडांगण बोलतोय मराठी निबंध, भाषण, लेख
मोठ्या प्रमाणात वेगाने चाललेल्या यंत्रयुगामुळे लोकांचे हल्ली खेळाकडे दुर्लक्ष होत चालले आहे. आजकाल कित्येक अशीच मोठंमोठी क्रिडांगणे पुर्ण रिकामी रिकामीच दिसतात. साधं चिटपाखरूही त्या क्रिडांगणाकडे फिरकेना. तरूण मुलांचा कल मोठ्या प्रमाणात स्मार्टफोनवरील गेम्सकडे वळला आहे.
काल सहज क्रिडांगणावर गेलेलो. एका कडेला झाडाखाली बसून फोनवर फेसबुक उघडून चाळत होतो. अचानक मला कुणाच्यातरी रडण्याचा आवाज ऐकू आला. मी चकीत होऊन इकडे-तिकडे पाहू लागलो. ते क्रिडांगण माझ्याशी बोलत होते. मी त्याच्या समोर गेलो तर क्रिडांगणाचा एक कोपरा रडताना मला दिसला. मी थोडसं जवळ जाऊन तिथेच बसून त्याला काय झालय त्याबद्दल विचारू लागलो. मग तो मला त्याची सर्व कहाणी सांगू लागला.
फार फार वर्षांपूर्वी कुणा एका मोठ्या दयाळू सावकाराने हि जागा मैदानासाठी दान म्हणून देऊन टाकली. इथे हे मोठे क्रिडांगण तयार झाले. मग इथे नित्यनियमाने मुले नवनवीन खेळ खेळू लागले. माझ्यासोबत दिवसरात्र ते खेळ चालत असत. मला त्यांना आपल्या अंगा खांद्यावर खेळू द्यायला खूप आवडायचे. त्या मुलांशी माझ्या गप्पा खूपवेळ चाले. माझ्यासोबत रंगताना त्यांना तहान-भुकही ना लागे. सर्वकाही विसरून ते फक्त माझ्यात स्वतःला समर्पण करायचे. मलाही त्यांची संगत खूप आवडे. मी पाहिलेला खेळ – मराठी निबंध, भाषण, लेख
माझ्या अंगाखांद्यावर खेळून क्रिकेटचा देव मानला जाणारा सचिन साय्रा जगाला कळला. मला त्या गोष्टीचा खरच खूप अभिमानाने वाटतो. हॉकीसारखा खेळ आपल्या देशाचा खेळ माझ्यामुळेच बनला याचे मला खरेच कौतुक वाटते.
माझ्या चहूबाजूला असणारी हि डेरेदार वृक्षांची केलेली लागवड. खरचं माझं सौंदर्य खुलवून देते… दमलेला खेळाडू तिच्या सावलीत क्षणासाठी विसावून पुन्हा खेळण्यास तयार होतो. रोज सकाळी ज्येष्ठ नागरिक इथे येऊन मस्त फेरफटका मारतात… त्यांच्या गप्पांना माझ्यामुळेच रंगत येते. मीही त्यांच्या गप्पात नकळत सामिल होतो. पण काही वर्षापासून होणारा हा कचरा, व घरातील घाण इथे आणून टाकल्याने माझं सौंदर्य खालावत चाललय. माझा आवडता खेळ- कबड्डी मराठी निबंध, भाषण, लेख
त्यातच आता वृक्षतोड मोठ्या प्रमाणात होत असल्यामुळे माझ्या आजूबाजूंचा परिसर ओकाबोका बनला आहे. यांमुळेच माझ्या अंतर्मनाला जखमा होतात.. मला खूप वाईट वाटत. चौपदरी होणाय्रा रस्त्यामुळे आता माझी जागा बळकावत चालली आहे. आता माझं अस्तित्व नाहीसं होऊन जाईल. माझ्यावर मोठं मोठ्या बुलडोझरचा प्रहार झाल्यावर मी कायमचा संपून जाईन.
मला कसली अपेक्षा नाहीये…. फक्त मला असेच राहुदे… माझ्यामुळेच तुमच्या मुलांची शारिरीक क्षमता सुधारते. तुमची मुले खुश राहण्यास थोडाफार माझाही सहभाग असतो. मग मला काही वर्ष जगू दे… मला जगात सगळ्यांना क्रिडांचे महत्त्व सांगू दे.. हि पिढी पुर्ण यंत्राच्या मागे ओढली जातेय… त्यांच्या आयुष्यात मला क्रिडांगण हा विषय जोडू दे. जीवनात खेळाचे महत्त्व निबंध, भाषण, लेख मराठीमध्ये
मला फाडून माझ्यातून वेगवेगळे मार्ग काढू नका… मी माझाच राहणार नाही. डोळ्यातून आकंठ वाहणाऱ्या धारा पुसता पुसता क्रिडांगण माझ्याशी त्याची करूण कहाणी सांगत होता. मी त्याची कहाणी ऐकत होतो. इतक्यात दुरून मला बुलडोझर येताना दिसला. क्रिडांगण मला हात जोडून तिथेच गडप झाले.. कदाचित तो त्याचा शेवटचा निरोप असावा!
तर अशाप्रकारे आम्ही या लेखामध्ये तुम्हाला मी क्रीडांगण बोलतोय या विषयावर आत्मवृत्तपर निबंध, भाषण दिलेले आहे. तुम्हाला जर हा आत्मवृत्तपर निबंध, भाषण आवडले असेल तर कमेंट्स सेक्शन मध्ये तुमचं मत कळवा. धन्यवाद.
Answer:
मी क्रिडांगण तुम्हा सर्वाना गेल्या कित्येक पिढ्यापासून बघत आलेलो आहे. ऋतू कोणताही असो उन्हाळा असो, हिवाळा असो किंवा चक्क पावसाळा असो मी कधीच एकटा नसायचो. नेहमी मुलांनी गजबजून भरलेला मी आज अगदी एकता पडलोय रे!
पूर्वी दिवसभर या क्रिडांगणावर पहाट झाली की लोकांची हळू हळू गर्दी व्हायला सूरू व्हायची. मॉर्निंग वॉक करणारी मंडळी, योगा करणारी मंडळी आणि सकाळीच सकाळी क्रिकेटचा सराव करणारी मुले हे सगळे इथे येत असत. सुट्टीत तर काही मुले संपूर्ण दुपार इथे खेळत असत. त्यांना ना भूक ना तहान फक्त क्रिडांगण व खेळ एवढेच त्यांचे विश्व झालेले असे.
मी क्रिडांगण गेल्या कित्येक पिढ्याच्या भवितव्याचा साक्षीदार आहे. याच क्रिडांगणात खेळून, वेगवेगळ्यात खेळांचा सराव करून कितीतरी मुळे चांगले खेळाडू झालेले मी पहात आलेलो आहे. कोणी क्रिकेटचा सराव करण्यासाठी तर कोणी जिमन्यास्टिकचाचा सराव करण्यासाठी तर काही मुले कराटेचा सराव करण्यासाठी येथे जमा होत असत. कोणी खो खो तर कोणी कबड्डी, कोणी वोलीबॉल तर कोणी फुटबॉल खेळणारे सगळेच जण तर माझे मित्रच होते.
माझ्या डोळ्यासमोर याच ठिकाणी किती तरी खेळाच्या मॅचेस झाल्या आहेत, त्यातील किती तरी जणांच्या विजयाच्या आनंदात मी ही आनंदी होत असे आणि कित्येक जणांच्या परभवाच्या दुःखात प्रसंगी मी ही दुःखी झालेलो आहे. मागील कित्येक वर्षे मी हे सारे सारे माझ्या हया डोळ्यादेखत बघत आलेलो आहे. जिंकल्यावर या क्रिडांगणावर वाकून डोकं ठेऊन नमस्कार करणारे या क्रिडांगणाचे आभार मानणारे माझे खेळाडू मित्र, याच क्रिडांगणावर बक्षीस समारंभात माझा म्हणजेच क्रिडांगणाचा आवर्जून उल्लेख करणारे माझे ते मित्र आज इथे नाहीत. कुठे गेलात रे मित्रांनो तुम्ही सगळे?
आज का बरे इथे येत नसतील खेळाची आवड असणारे माझे ते सगळे मित्र? का बरे आजच्या पिढीला माझा आवडता मैदानी खेळ विचारले तर एखादे पण नाव सांगता येत नसेल? कारण आजची तुम्ही मुले टेकनॉलॉजिच्या दुनियेत रममाण झालेले आहात. मोबाईल आणि विडिओ गेमला तुम्ही तुमचे संपूर्ण विश्व बनवून टाकले आहे. सुट्टीच्या दिवशी तर सकाळपासून रात्रीपर्यंत या गोष्टी तुमच्या हातातून सुटतच नाही.
काही वर्षांपूर्वी, मुले वेळ मिळाला की लगेच क्रिडांगणाकडे धाव घेत असीत तसें आता तुम्ही तुम्ही मोबाईल कडे धाव घेता. मोबाईल शिवाय तुमचे जीवन जणू काही अपूर्णच आहे. परंतु या मोबाइलचे दुष्परिणाम ही होतात हे माहिती असूनही तुम्हा मुलांचे हे मोबाईल आणि विडिओ गेमचे वेड काही कमी होत नाही. त्याचा परिणाम असा झाला आहे की, तुम्ही सर्वांनी आता या क्रिडांगणाकडे जणू पाठच फिरवली आहे.
नेहमी लहान मुलांपासून ते थोरामोठ्यानंपर्यंत गजबजलेला असा हा क्रिडांगण आज अगदी शांत आणि भकास झाला आहे. कोणीही क्रिडांगणा जवळ आता फिरकत ही नाही त्यामुळे लोकांनी मला कचरा टाकण्यासाठी उपयोगात आणले आहे. माझ्या आजूबाजूला घाणीचे साम्राज्य वाढले आहे. पूर्वीची झाडें त्यांची काळजी न घेतल्यामुळे सुकून पडलेली आहेत. खूप वाईट वाटतेय रे मला!
मुलांनो, घरात बसून टि. व्ही., मोबाईल, विडिओ गेम खेळणे सोडून पुन्हा मैदानी खेळांकडे वळा. अजूनही वेळ गेलेली नाही. तुमचे बालपण हे असे वाया जाऊ देऊ नका. मी नवनवीन टेकनॉलॉजि शिकण्याच्या विरुद्ध अजिबात नाही आहे कारण मला संपूर्ण कल्पना आहे की ती आजच्या काळाची गरज आहे परंतु तुमच्या शारीरिक जडणघडणीसाठी मैदानी खेळ, व्यायाम आणि कसरतीही खूप महत्वाच्या आहेत. व्यायामाचे महत्व वेळीच समजून घ्या.
म्हणून आज मी एक क्रिडांगण म्हणून तुम्हा सर्वच माझ्या मित्रांना आवाहन करू इच्छितो की, पुन्हा या क्रिडांगणाकडे या! माझ्या साफसफाई कडे लक्ष दया. येथील कचऱ्याचे साम्राज्य नाहिसे करून मला पुन्हा नवसंजीवनी मिळवून दया आणि पुन्हा या तुमच्या क्रिडांगणाला पूर्वीसारखा जिवंतपणा प्राप्त करून दया. पुन्हा या क्रिडांगणावर क्रिकेटचे, कबड्डीचे, खो -खो चे, फुटबॉल आणि वॉलिबॉलचे सामने रंगू दया, बक्षीस समारंभच्या कार्यक्रमातील टाळ्याच्या कडकडांमध्ये हे क्रिडांगण पुन्हा जागे होऊ दया
Explanation: