Question

nahi nay nay hi dosti tutaychi nay​

Answer 1

Answer:

ഇന്നും ഇവിടെ മഴ പെയ്തിരുന്നു.നീ പറയാറുള്ള പോലെ ക്ലാരയുടെ രതിഭാവം മുഴുവൻ ഒപ്പിയെടുത്ത മഴ.മുമ്പ് പലപ്പോഴും ഞാൻ തെല്ലൊരു അസൂയയോടെ മാത്രം നോക്കി നിന്നിട്ടുണ്ട് ഈ വേനൽമഴയെയും നിന്റെ ക്ലാരയെയും. എന്നോട് ഉള്ളതിനേക്കാൾ പ്രണയം മഴയോടും ക്ലാരയോടും പപ്പേട്ടനോടും ഒക്കെയാണെന്ന് എത്ര വട്ടമാണ് നീ എന്റെ കാതിൽ ഉറക്കെ പറഞ്ഞ് എന്റെ കണ്ണു നിറച്ചത്. ഒരു കുട്ടി കാണാതെ പഠിച്ച പാഠം ഉരുവിടുമ്പോലെ പലപ്പോഴും പറഞ്ഞ് വേദനിപ്പിച്ച വാക്കുകൾ എത്രയോ വട്ടം ഒരു ചവർപ്പോടെ തികട്ടി വന്നിട്ടുണ്ട്. പ്രിയപ്പെട്ടവന്റെ ഇഷ്ടം മുഴുവൻ തട്ടിയെടുത്ത ആ മുഖക്കുരുക്കാരിയോട് എപ്പോഴും എനിക്ക് അസൂയായിരുന്നു. അവളെപ്പോലെ മുഖക്കുരു ചോപ്പുള്ള കവിളിണയ്ക്കായി ഇല്ലാത്ത മുഖക്കുരുവും തേടി കണ്ണാടിക്കു മുന്നിൽ എത്രയോ സമയം കൊന്നു. അവളെ പോലെ ചുവന്ന പാവാടയും ബ്ലൗസും കറുത്ത ദാവണിയുമൊക്കെ അണിഞ്ഞിട്ടും നീ പറഞ്ഞു ക്ലാരയാണത്രേ സുന്ദരി. അവൾ ഭ്രാന്തന്റെ കാലിലെ മുറിവാകാൻ,ചങ്ങലയിലെ ഒറ്റക്കണ്ണിയോട് മാത്രം ബന്ധമുള്ള മുറിവാകാൻ കൊതിച്ചതും ഇനിയെത്ര മുഖങ്ങൾ കണ്ടാലും തടി കോണ്ട്രാക്ടറുടെ മുഖം മറക്കണ്ടാന്നു പറഞ്ഞതുമെല്ലാം പുലരുവോളം നീ പറഞ്ഞു തന്നു.അങ്ങനെ നീ പ്രണയിക്കും പോലെ ഞാനും പ്രണയിച്ചു പോയി ക്ലാരയെ.. അതുകൊണ്ടാവും ഇന്നീ മഴ കാണുമ്പോൾ നിന്നെക്കാളേറെ ക്ലാരയുടെ മുഖം തെളിഞ്ഞു വരുന്നത്.