Question

தன்னம்பிக்கையற்றுக்‌ காணப்படும்‌ இளைஞனிடம்‌ தாராபாரதி கூறும்‌
அறிவுரைகளைத்‌ தொகுத்து எழுதுக.

Answer 1

Answer:

தன்னம்பிக்கையற்றுக்‌ காணப்படும்‌ இளைஞனிடம்‌ தாராபாரதி கூறும்‌  அறிவுரைகள்:

உழைக்கத்‌ தயங்காதே! :

• எனக்கு வேலை கிட்டவில்லை' என்று மூலையில்‌ சோர்ந்து கிடக்கும்‌ வாலிபனே! அதற்குக்‌ காரணம்‌ உடல்‌ உழைப்பில்லா வேலையையே நாடுவதேயாகும்‌. இவ்வாறு இருந்துகொண்டு என்‌ வாழ்வு பாலைவனமாயிற்று என்று பலமுறை சொல்வதால்‌ பயன்‌ என்ன?

கையே மூலதனம்‌! :

• தொழில்‌ செய்ய என்னிடம்‌ மூலதனம்‌ இல்லை என்று நீ‌ கூறுவது  அறியாமையாகும்‌. மூலதனத்தை உருவாக்கும்‌ பத்து விரல்களைப்‌  பெற்றுள்ள நீ, முயன்றால்‌ கருங்கல்‌ பாறையே நொறுங்கி விழும்‌; இந்த  உலகம்‌ உன்‌ கைவசமாகும்‌.

• என்‌ முயற்சியின்‌ முன்‌ இமயம்‌ என்‌ கட்டைவிரலைவிடக்‌ குட்டையாகும்‌; விரிந்த வானம்‌ என்‌ சுட்டுவிரலின்‌ நகமாய்ச்‌  சுருங்கியது” என்று பிறருக்குச்‌ சொல்‌.

பாலைவனமும்‌ சோலைவனம்‌ ஆகும்‌! :

• உன்‌ தோள்களின்‌ வலிமையே உன்‌ வாழ்வினை உருவாக்கும்‌ தொழிற்சாலை. நீ விரும்பி ஓரிடத்தில்‌ உன்‌ உழைப்பை நல்கினால்‌ அது மலா்ச்சோலையாய்‌ மாறும்‌. ஆகவே இனி, உனக்குத்‌ தோல்வியே நேரிடப்போவதில்லை. அடுத்து உன்‌ இலக்காய்‌ இருக்கப்போவது தொடுவானந்தான்‌.

உலகம்‌ உன்னால்‌ மலரும்‌ :  

• வலிமையின்‌ ஊற்றாய்‌ விளங்கும்‌ உன்‌ கால்நகம்‌ கீறிய கோடுகள்‌ வழியே கங்கையும்‌ சிந்துவும்‌ பெருக்கெடுத்து ஓடும்‌.

• ஆற்றல்மிக்க உன்‌ தோள்கள்‌ இரண்டும்‌ வடதுருவத்தையும்‌, தென்துருவத்தையும்‌ இணைக்கும்‌ பாலங்களாய்‌ அமையும்‌.

விண்ணை வெற்றிகொள்‌! :  

• மாபெரும்‌ சக்தி வாய்ந்த மானிடனே! நீ அற்பமான மண்புழுவன்று, விண்வெளியை வெற்றி கொள்ள உன்‌ மாபெரும்‌ வலிமையினை அதனிடம்‌ காட்டு. அப்போது இந்த மண்ணிலும்‌ அந்த விண்ணிலும்‌  நிகழவிருப்பவை உன்‌ செயல்களல்ல; விண்ணுலகத்தவரை நோக்கிச்‌ செய்யப்படும்‌ வேள்விகளே ஆகும்‌.